منذ 22 أياميشعر بـ ضائع
حياتي مليانه مشاكل من حيث كل حاجه...عندي دادي ايشوز ودا مسببلي نقص عاطفي بس انا مش بصاحب عشان حرام...زعيق وعركات مع مامتي دايما صحبة عمري حساها بتبعد عني حرفيا حياتي بايظه من كل حته عندي مشاكل بجد لو كانت عند حد ف سني مش هيستحمل وانا فعلا من حوالي سنتين مكنتش مستحمله وكنت نوعا ما مكتأبه بس حاليا كل حاجه اتغيرت...المشاكل زادت بطريقه بشعه بس الغريبه اني عادي...معتش بحس بحزن غير نادرا بقا عندي لامبالاه فظيعه انا ساعات بستغرب انا ازاي بقيت كده هو الحمدلله طبعا بس ازايي بقيت ايجابيه كده لا وساعات بكون مبسوطه كمان هل دا طبيعي يجماعه انا بقيت كده من غير ثيرابيست او حاجه
ساعات الامبلاه الزياده دي مش بتكون ايجابيه زي ما انتي فاكره البني ادم ساعات كتير بيبقي محتاج يعبر عن مشاعره لو زعلانه عيطي وازعلي عادي لان لما تكبتي دا بيؤدي لتراكمات وبتنفجري بعدين ازعلي وعيطي عادي بس في نفس الوقت خليكي مؤمنه أن كل دا هايعدي وان اكيد دا اختبارك من ربنا في الدنيا والعوض جاي جاي بس محتاج صبر منك ويقين مفيش حزن بيدوم صدقيني مهما طول مهما افتكرتي انك هتعيشي في المشاكل دي علي طول هتنتهي وربنا هيعوضك هتكون مجرد ذكرى بتفتكريها وبتحمدي ربنا عليها انها عدت في فرق بين انك تكتمي في قلبك وانك تكوني قويه ...💗
لو تعرفي تبعدي عن الوسط اللي انتي فيه هتبقي احسن... حاولي تشتغلي أو تشوفي هواية تفرغي فيها طاقتك و انصحك بالرسم حتى لو هتشخبطي و روحي فعلاً لثيرابست علشان انتي محتاجة تفرغي اللي جواكي من غير ما تكتأبي و لو هاتي حاجة تربيها ( زرعة -حيوان أليف- عصفور ـ حمام)
ده طبيعي لانك من كتر ضغط المشاكل اللي حواليكي السلبيه اترجمت ايجابيه بس نصيحه بلاش تكتمي جواكي لان الكتمان مش صح ويمكن يتحول لاسوء من كده حاولي تفرغي اللي جواكي ومتزعليش علي اللي بيروح منك حطيها حلقه في ودانك رب الخير لا يأتي إلا بالخير وبعدين مش يمكن كل ده بيحصلك عشان ربنا عايزك تطلعي النسخه القويه اللي جواكي ربنا يريح قلبك وبالك ويسعدك🌹🌹
مشاكل محدش يستحملها فى سنك؟ جربتي يبقى عندك صلع وراثي وانتى ١٧ سنة وتلاقي تنمر من صحابك ومدرسينك
حساكي بتتكلمي عني بس انا عندي جفاف عاطفي و كمان مش بعرف اكون صدقات
انا معاكي لو عايزه تتكلمي