السلام عليكم انا الصراحه الوحيدة ف حياتي ان اقدر اتكلم هنا لان مفيش حد يعرفني المهم انا بعمل ذنب بقالي فتره كبيره ع اوقات متقطعه انا شخص المفروض قالي ان هو بيحبني وعايز يكلم بابا وخد رقم بابا بس بعدها بقينا نتكلم واتعرفنا عادي الكلام ف الحدود انا عارفه انه ولو طبعا دا حرام بس دي كانت اول مرة حد يقولي انه بيحبني المهم فضلنا فترة وبعديها بدا يقل اهتمامه ويتشغل ف الكليه ومش عارفه كذا حاجه مبقاش فاضي انه يسال عليا انا اللي بسال وكل ماكلمه يتاسف ويقول عنده ظروف ومش بيحكيلي اي الظروف وفضلنا ع الحال دا فترة انا حسيت انه مش جد عملت بلوك رجع اتكلم تاني من رقم تاني ورجعنا واتاسف ونفس الحال وفترة هو بعد وبعدها رجع اتكلم انه كان عنده مشاكل المهم المفروض كنا متفقين انه هيكلم بابا الفترة دي واكد عليا ملاقيتوش كلم بابا وقال ان عنده مشاكل ونا عملتله بلوك ورجع يرن ويبعت تاني هل ارد عليه ونا فعلا ظلماه ولا لا ممكن حد يفيدني لاني تعبانه جدا خايفه اكلمه اكون بقلل من نفسي حد يرد يقولي اعمل اي لو بعت ارد ولا لا
انا جيالك من المستقبل وبقولك اهربي صدقيني هو مش ناوي خير ابدا معاكي ولو ناوي خير مكنش هيبقا فيه ذنب بينكم انا حاسه بيكي لاني مريت بحاجة زي كدة بس ارجوكي متخليش احتياجك للحب يخلي حد يستغلك ويستغل احتياجكك دة في انه ياخد حاجة معينه وصدقيني موضوع باباكي دي ماهو الا مجرد حاجة بيطمنك بيها عشان ياخد اللي عايزه اكتر وعلب فكرة ممكن يكلم باباكي عشان يوصل للي عايزه اكتر واكتر بس صدقيني هيجي في الاخر وبقولك مش قادر اكمل
اهربي اهرررررربيييييي والله الجد جد من الاول بيلعب على نفسيتك ومشاعرك انه هيفضل واخدها رايح جاي كل شوية عذر يحتاجكك يثبتك بباباكي يضمن انك مستنيه يرجع عيان يا بنتي عيان اسمعي نصيحة اللي سبقك ماترديش
لا ماترديش
اقدر اساعدك ❤ كلميني
اكيد طبعا بيشتغلك واكيد طبعا حرام عليكي ولازم تفوقي لنفسك عشان ربنا يصلح حالك كل الكلام دا هتندمي عليه قدام
بص هو لو عايزك كان هيكلم والدك هو بيتسل بيك انت اول ام تكلمي اقوله مش هكلم تاني من غير ما تكلم بابا وهو لو بيحبك وعايزك هيكلموه
لا خليه لحد ما يكلم بابا الاول عشان هو كدا اصلا مش مستقر علي راي و هتدوخي وراه