منذ 6 ساعاتيشعر بـ قلق
في شعور علطول جوايا مش قادره اتخلص منه و محتاجه نصائحكم ليا ، دلوقتي أنا خايفه جدا الفاينل خلاص قرب و المواد كانت تقيله شويه ، غير كده معايا مواد من الترم الاول هنزل فيهم سمر و خايفه جدا يحصل معايا نفس اللي حصل في الترم الاول ، بس الشهاده لله أنا اللي حصل معايا في الترم الاول كان بسبب قله المذاكره ، حاليا بذاكر بس حاسه مجهودي مش كفايه ، خايفه يحصل حاجه تاني و أشيل مواد كمان انزل بيها سمر ، و خايفه ارجع اعيد السنه ، وانا طول عمري شاطره و مجتهده بس حاسه اني لما دخلت الكليه بقيت خلاص مش قادره اذاكر ولا عارفه اقعد علي الكتاب و لا قادره افتحه حتي ، بحاول في الترم ده و بدعي بس لسه شعور الخوف جوايا ، اعمل اي
اولا يحبيبتي ربنا يقويكي 💗💗 ثانيا لا مش هيحصل حاجه متقلقيش والله انتي عرفتي غلطتك كويس و صلحتيها و اجتهدتي و عملتي اللي عليكي و افتكري ان الله لا يضيع عمل من احسن عملا و انتي عملتي و اشتغلتي علي نفسك الاهم انك تهدي اعصابك لان التوتر دا هيخليكي مش عارفه تركزي
عامة متبصيش للى حصل قبل كدا علشان ميعطلكيش كل اما تبقي هادية كل ما هتحصلي اكتر وتعرفي تعدي اللى حصل حصل ومتفكريش في الترم اللى فات واستفيدي من اخطائك فيه وركزي في مواد الترم دا علشان تحققي اعلي استفادة ممكنة منها وحاولي تبعدي عن اي حاجة تشتتك وبالتوفيق
كلنا زيك ، حاولي متفكريش بالطريقه دي بتاخد وقت اصلا منك و رتخليكي محبطه وخايفه تعملي مجهود فمتلاقيش بس كل دي وساوس شيطان ، ركزي اكتر علي السعي وانك تعملي اللي تقدري عليه لحد الامتحان وربنا هيكرم ويرزقنا النجاح 🩷