ساعدوني ضروري اسفه طولت بس اقراو ونبي دلوقتي لو في حد عرفتو بطريقه ما بس هو كا شخصيه مش وحش خالص ما طلبش أو قال حاجه وحشه كل الفكره انو عايز يتجوز بنت كويسه اتكلمنا للاسف شويه وهو ارتاح وانا كمان وراني صورتو وولاسف انا كمان لاول مره في حياتي اعمل كدا المهم أن هو عايز فعلا يتقدم بجد انا خايفه ومرعوبه كان نفسي لما اتعرف على حد يكون هو شريك حياتي بجد ما يكونش عارف جانب في حياتي معين مكنش نفسي يبقي عارفه نفسي في علاقه بريئه ترضي ربنا فقط بدون اي حاجه للعلم احنا اتكلمنا النهارده من كام ساعه وهو مقالش اي حاجه وحشه ابدا أو طلب حاجه وحشه وقالي ما تكلمنيش لحد ما اجي اتقدم لأهلك وصلي استخاره وانا كمان هصلي وهنحسن من بعض انا خايفه لو علاقتنا اتبدمت واتجوزنا يعايرني بالجزء الي عارفه من حياتي دا جماعه انا عمري ما حبيت بجد أو خرجت مع ولد ابدا ابدا خايفه اوي و هو ساكن في مكان بعيد عني شويه ف هقول لاهلي اتقابلنا ازاااي موعارفه خالص وبابا وماما مش الي هو اقدر احكيلهم حاجه ابدا دول يموتوني لازم يبقي معرفناش بعض خالص هو قالي نفكر وفكري وانا موافق اقول الي نتفق عليه حساه شريني بجد رغم أننا ما نعرفش بعض بس الكام نقطه الي قلتهم مخاوفني خايفه يعايرني خايفه يفضحني خايفه ما يطلعش قد الثقه كان نفسي في حد ما بعرفش الجزء الوحش مني وما نتعرفش علي بعض نتجوز صالونات كما ربنا أمرنا خايفه ومتلغبطه ابعد ولا اكمل انا حته فكره انو عندي في الشات مواتراني وخايفه وحاسه أننا بنعمل حاجه غلط مع اننا قولنا مش هنتكلم وانو هايتقدملي
ثواني بس ازاي شخص عرفك من كام ساعه طلب يتقدم وانه عايزك الله اعلم ب نيته بس حاجه متقنعش بجد الا ولو فيه حاجه ف نيته مش بشكك فيه بس تتأكدي الاول اذا كان هو شاري بجد ولا بيلعب وهيديكي خازوق انتي واهلك لان في كتير كدا واذا كان هو سوي نفسياً وفكرياً ولا ايه نظامو حاولي تعرفيه اكتر ومتتسرعيش ف قرارك ومتخليش حلاوه البدايات تنسيكي أنها بدايات وطبيعي هيطلع نفسه المثالي ال مفيش منو مش بكرهك فيه بس بتكلم ف نقطه معينه وجانب عشان اواعيكي
ف دلوقتي هو خيارين يا اما ابعد واختار فكره اني الي يكمل معايا حياتي ميكونش عارف الجانب الوحش الي كنت انا فيه دا وابتدي بدايه نضيفه واضمن انو مش هايعايرني أو يفضحني بعدين بس ممكن يطلع دا الإنسان الصح ودا استجابه دعوتي في يوم عارفه لما دعيت بأن ربنا يرزقني الزوج الصالح وابقي ضايعته يا اما اكمل وخلاص بس هيفضل جوايا خوف من المستقبل
فاهمك بس مع مستحداثات العصر دي احد طرق الجواز انهارده فا بطلي تحتقري وتقللي من ده عشان بصتك للموضوع مخليكي شيفاه جريمه اكنك عرفتيه في كباريه
كم الخوف ده مش طبيعي اهدي شويه ومفيش حاجه اسمها يعايرك على اساس انه كان بيلعب تنس ما هو كمان كان في نفس المكان بس انا شايف انك متتسرعيش وتدي نفسك وقت تعرفيه اكتر من كده لان سهل اي حد يجمل اي حاجه لو وصلتي لنقطه انك فعلا شايفه انك حابه ومناسب فا عادي ممكن يتقدم اكنه شافك مع واحده صحبتك وهو قريبها مثلا لكن الاول اتاكدي انه سوي نفسيا كفايه منغير تسرع
انتو عارفين من الحاجات الي مستغرباها بردو وقلقاني فكره ان فعلا هو ما يعرفنيش وكمان لما شافني انا مش جمالي واو يعني انا عاديه قولتلو ممكن اطلع في الحقيقه اوحش مثلا من الصور قالي انا كدا كدا عايزك ايا كان فكره التمسك بيا واحنا مش عارفين بعض غير أننا اتكلمنا شويه دي غريبه
يعني اثق فيه وابعتله رقم اهلي يا جماعه ؟
الناس الطبيعية مش هتهتم غير بالنسخة الحالية لشريك حياتهم مش مهم الماضي طالما الحاضر مختلف عنه فلو عايزة تكسبي ثقته اثبتي له بأفعالك إنك مش زي زمان و اثبتي لنفسك اولا شوفي بينك و بين نفسك إذا كان فعلا فيه تغيير ولا فيه ثغرة ممكن ترجعي بيها لأفعال زمان
الفكره أن الطريقه الي اتعرفنا منها مش اونلاين عادي لا مكنتش من حته الذ حاجه خالص بجد فا أنا بتكلم في الحته دي مش في أن احنا اتعرفنا عادي ودا الجانب الي هو عرفه عني ما كنتش اتمني الي هكمل معاه حياتي يعرفه
انا الفكره بالطريقه الي عرفنا بعض منها وأن عرف عني جانب كان نفسي شريك حياتي ما يبقاش عارف الجزء دا هو مش هيفرق في حياتنا خالص كان نفسي بس حياه هاديه ونضيفه