الموضوع طويل بس هحاول اختصره اخواتي وماما كانو بيكرهوني عشان كنت المفضله عند بابا عشان بابا كان حاسس بالذنب لإنه اتسبب في حادثه انا بس اللي تضررت منها جامد وكان بيميزني عنهم في حاجات كتير بسبب شعوره بالذنب والطفل أول صورة عن نفسه بتتكون من رؤية اهله ليه فكرهت نفسي أنا كمان وكانت شخصيتي ضعيفة وأكتر حاجه بسعالها اني اتحب من صحابي أو أي حد عموما دايما مرحة وبضحك ومش برفض اي شيء وبفسر الأذى على انه حب ومنتهى العبث لحد ما ربنا نور بصيرتي وهداني للصلاة وقربت منه خطوة خطوة وانتكاسات ومحاولات كتير وصلت بفضل الله مرحلة كويسة أوي مع ربنا وحياتي اتشقلبت بقى عندي قبول رهيب مش هبالغ لو قولت اني بمشي في الطريق ناس كتير بنات ونساء وأطفال بيعبرولي عن انهم بيحبوني حرفيا وعندي صحاب كتير جدا واجتماعية حتى أهلي بيحبوني بشكل غير سوي المهم هما شايفين انهم بيحبوني يعني واني الشخص المفضل بالنسبة لكل فرد فيهم وان كنت غير معفية من أذاهم حب غير سوي بقى هنقول إي وبقيت بتئذي بسبب الحب بعد ما كنت بدور عليه وبقيت انا اللي صعب أوي أصدق واحب حد وبقيت حاسه اني زاهده في قرب او بعد او حب او كره حد زاهده في الناس والدنيا وبحب نفسي بشكل سوي ميضرش حد ولا يضرني واثقة وشخصيتي قوية محدش بيعرف يستفزني عاطفيا انتقائية جدا في الأشخاص وسطحية مع المعظم مش بقبل أقل من معاييري ولو ملقتهاش بفضل اللاشيء عن اني ارضى بالأقل أو اللي مش شبهي لا أنسى طبعا ان في صديقتين ربنا حطهم في طريقي وروني النور في نفسي ومواطن جمال مكنتش اعرف انها موجوده المهم صلح علاقتك بربنا وكل شيء هيتصلح من حاله حياتي مش جنة مشاكلي موجودة وبعاني بشكل مضاعف عادي جدا بس الحمدلله بقيت أهدى مش مركزة غير مع ربنا ومع نفسي وده بيهون كتير