الساعة 7:00 الصبح وهكمّل معاكم رحلتى مع الإباحية لأكتر من 10 سنين انا متأكد ربنا حطنى فى الإبتلاء ده علشان احس بـ غيرى، وافهم إحساس يعنى اية واحد بيعانى لما يقفل على نفسه باب أوضته أو يلاقى ضلمة يقعد فيها لوحده تكرار المقاطع المُثيرة للشهوة بيخلق جواك تشوّهات معرفية عن الراجل والست اللبس، الحركات، النظرات، الأجسام، الطول بقيت بتشوف الأنثى على إنها مجرد جسم بتحب تشوفه وإنت فالشارع، أو بتحب تتخيل المُثير فى الموضوع ده بالذات إنه بيحرمك من نِعم وبركة ربنا فـ تحس إن يومك بيضيع، حياتك ملهاش معنى، معندكش صحاب حقيقيين، بتحب دايمًا تكون بعيد عن الناس وبسبب ده بتدخل فى دوامة من اللوم والعقاب الذاتى "الجلد" بس للأسف مش بيفوت كام ساعة وبترجع تانى زى ماكنت هختم كلامى بـ كوبلية لتامر حسنى قالها فى أغنية بعنوان (مش عارف أتغير) ايوة بفوق لما بروق واحاسب نفسى بكام سؤال وارجع اقول مفيش مخلوق مبيغلطشى ده شيئ محال.. ارجع تانى اغلط تانى….. كإنى بكلم واحد تانى