لو رجعت لنفسي القديمة هقولى انى محتاجة أعرف أعبر عن مشاعري أكتر من كدا يعنى بلاش وش خشب الناس بتبقى لا عارفة نتى حباهم ولا كرهاهم ولا عايزة تنامى محدش بيبقى فاهم حاجة 😂😂 فااا قليل من العفوية لا يضر كدا كدا انتى حاطة حدودك .. هقولى كمان انى عارفة ان انا خايفة وع فكرة غالبا دا طبع البنات الخوف لكن بلاش نخاف زيادة عن اللزوم.. انا عارفة انك قافلة الباب عشان حاسة ان كل الى وراه أشرار وعندك حق المعظم كدا بس احنا مش محتاجينهم كلهم إدى نفسك فرصة ومتخافيش من فكرة الوجع.. ي دوب ورابي الباب عشان لما تحبي تقفليه تانى تعرفي تعملى دا بسهولة .. لو أقدر اغير حاجة فالماضي كمان فهو انى متقوقعش ع نفسي يعنى الوحدة شئ بيريح الدماغ مفيش توقعات مفيش وجع مفيش اى حاجة خالص ..بس هو الانسان ايه من غير مشاعر ملغبطة من غيرها هيحس ازاى انه موجود مش قصدى ندخل اى حد دايرتنا بس ع الاقل ناخد فرصتنا.. كنت هحب كمان لو رجع بيا الزمن انى مخافش من المحاولة من باب انى مغلطش وان كتر المحاولات مش فشل انا بجرب لحد مااعرف انا عايزة ايه .. وانى محتاجة طول الوقت اقولى انى بحبني وانى استاهل ان انا أتحب 🩷