جماعه انا ليا واحده صحبتي مش بتدخل أي ستوري أنا بنزلها ما عدا صورتي وبتخش تشوفها ولا بتعمل لاف ولا كومنت وهي مش زميلتي لأ صحبتي وبعدي بشويه الاقيها منزله tiktoks دايما بعدي عمرها مانزلت صور او فيديوز غير اليوم اللي بنزل فيه ودايما تقصد تقول كلام يضايقني يعني هي عارفه ان انا حابه شكل جسمي بس محتاجه مثلا ازيد حاجه بسيطه الاقيها بتقولي انتي خسيتي أوي تعرف ان فيه شاب مركز معايا تقوللي أصل طرحتك ممكن تكون بايظه هو هيبص على ايه يعني فيه بنت من دفعتي الشاب اللي انا معجبه بيه بيحبها هي بنت بصراحه جميله جداً بس هي بتقصد تمدحها أوفر قدامي اللي هو مش هتقدري تبقي زيها والغريب ان صحبتي دي مبتعرفش تشكر في حد عامةً. والفكره لما باجي اقولها على حاجه حلوه واقولها فاكرة؟ الاقيها تقولي مش فاكرة بصراحه اصلا تلاقيني مش مهتمة وكدا وتحب تتكلم عن نفسها كتير وتذم ف أي بنت حلوة وتقول بتغير مني اصل عملت وسوت وعلى فكرة انا جربت كتير امدحها عشان لو هي بتحس بالنقص جمبي الغي لها الاحساس دا لكن بالعكس دي بتتعمل عليا