من وانا صغيره وانا في مشاكل كبيرة في بيتنا انا حاسه اني ممكن احس فيه بكل حاجه الا الامان لأن الاذي النفسي كله كان من بيتي واهلي للأسف شوفت كتير منهم ودا اثر عليا طبعا ،الموضوع بدأ من لما كنت بشوف اختي بتضرب من ابويا لأسباب ما انا كنت شايفه أنها عاديه وكان ضرب مبرح وهي كانت بترد كان بيضربها اكتر هي تعند وهو برضو كان في دماغهم انهم كده بيربوها اختي كبرت وبقت اسوء شخص انا عرفته لدرجه انهم كانو بيخافو منهم وبقت عارفه نقطة ضعفهم وهي أنها تصوت بصوت عالي وتسمع الناس اللي حوالينا وتفضحنا كبرت وبقت شخصيه وحشه ونرجسيه ومن اقل حاجه بتتخانق وتكسر في البيت وتصوت اول ماحد يزعلقها و بصوت عالي انا كان بيأذيني اوي صويتها دا وكانو بيقولو أنها ملبوسه وكنت كل شويه الاقيهم جايبين شيوخ البيت مع إن كل دا انا شايفاه بسبب تربيتهم هما اذوها بس هما عمرهم مااعترفو بدا وكانو دايما يتعاملو معاها أنها مريضه فاهي طبعا صدقت دا بالذات امي لأنها ناجحه في شغلها بس والله فشلت انها تكون ام اه بتحتوينا بس في اوقات كتير بحس انها غريبه عني واحس أن مش دي اللي احكيلها السر او اقولها حاجه مزعلاني وابويا اكتر حد طيب ودي حقيقه والله بس هو ظلمنا وظلم نفسه بضربه لينا ومبقاش يضربنا من ساعت مااختي سافرت واحنا كبرنا بس بحسه مش موجود في حياتنا معظم الوقت بيبقي عنده شغل يرجع من الشغل ينام وامي بتشتغل كمان عشان يحاولو يكفو مصاريفنا بس فوق كل دا محدش فيهم معترف أنه مأثر في دوره كأم وكأب تعبت من محاولتي اني اتفاهم معاهم أو يعترفو أنهم سبب كبير في اذي نفسي لينا امي وابويا عايشين مع بعض بس كأنهم اتنين غرب مجرد بيحكو لبعض اللي بيحصل معاهم وكده لكن مش اتنين متجوزينوامي بسبب غياب ابويا وأنه من بتوصلهولنا أنه مش محسسها انها ست ماهي اللي بقتش تهتم بنفسها اصلا مش بتعمل دورها كزوجه وطلبت الطلاق كذا مره واتفاجأ من سنتين أنها بتخون ابويا ويتكلم واحد قريبنا ومتجوز ودايما تطلع ابويا وحش لأنها بتساعدنا في فلوس البيت مع إن هي اللي مختاره كل دا من الاول وهي اللي قررت تساعد في فلوس البيت بسبب الغلا حتي الاكل انا اللي بسخنه لما بابا يرجع من الشغل وأوقات انا اللي بعمل الاكل ومينفعش اعترض ولا احس ان دا كتير ومحدش فيهم مركز مع اختي الصغيره ميعرفوش أنها في مرحله خطر وفي فتره المراهقه هما معتمدين عليا لأني بسمعها وعارفه كل حاجه عنها ودي مش مسؤوليتي لو حصل حاجه اني اللي بتصرف تعبت من كل دا