من 8 شهور حملت البرنامج ده عشان كنت مرتبط بواحده عدد سنين معينه وسبنا بعض بطريقة وجعت قلبي فانا كنت عايز افضفض فا حملت البرنامج ده عشان كنت تعبان بجد المهم في واحده نصحتني نصيحة من على البرنامج ده و اتعرفت عليها هي كانت منتقبة و أزهرية وانا بصراحة حبتها فا شوفتها رؤية شرعية وعجبتني و اتخطبنا المهم البنت دي كانت قمة في الأخلاق و الاحترام و الادب و للأسف هي اتخطبت مره زمان لواحد هي كانت بتحبه كان حب عمرها بس محصلش نصيب بينهم وافترقوا بعد الخطوبة باسبوع تقريباً فا هي اصلا كانت مجروحة و موجوعه في حياتها فانا لما خطبتها كنت ناوي ابقى ليها عوض وسند و يشهد ربنا اتكلمنا قبل الخطوبة بتاعتنا ٣ شهور ما زعلتهاش ولا هي زعلتني بصراحه كانت قمة في الاحترام و الادب و الالتزام بس ما علينا لما اتخطبنا بعد اسبوعين الاكس رجعت لما عرفت اني خطبت و للاسف أحنا كان حصل بينا علاقة زمان أسأل الله العظيم اني يغفرلي ويرضا عني يشهد ربنا اني مكنتش بلعب بيها و بالرغم من أن حصل بينا علاقة روحت لأهلها واتفقنا بعد التخرج هتقدملها بس هي وجعتني وسبتني بعد سنين حب ما بينا ما علينا الاكس رجعت بعد ما خطبت و قالت بقى لأهلي و اهلها أن حصل بينا حاجات زمان وبقى أمر لازم و اجباري اني اتجوزها فا تجنباً لصدام الأهالي و الموضوع كان بعد الشر ممكن يوصل لحد الدم فا كان لازم اسيب خطيبتي و أخطب الاكس و اكمل معاها لحد ما اتجوزها وانا عملت كده بس أقسم بربي ما كان سهل عليا انا مش صغير انا عندي 24 سنه اول مره اعيط ناس و محدش يعرف يسكتني كنت عامل زي الطفل الصغير منهار بعد ما سبت خطيبتي الاولي اللي هي ملهاش دعوة باي شئ و سبتها وروحت خطبت الاكس وسبت واحده كانت مصدومة زمان و اتصدمت دلوقتي بسببي و في المرتين ملهاش ذنب في اي شئ ربنا يكرمك ويرزقك أعلى مجموع في الثانوي انا بجد بقالي شهور مش عارف اتخطى عايز حاليا بلا شغف ولا حب ولا حاسس بحاجه انا حاليا خاطب ومش بحب و هتجوز و مش بحب و حياتي كلها الحمدلله رب العالمين يارب ماشية عادي بس قلبي مش معايا انا قلبي في المنصورة مع البنت اللي عرفتها فترة صغيرة بس لحد دلوقتي اقسم بالله ما قادر اتخطى اني ظلمتها ومش عارف اسامح نفسي لا حول ولا قوة إلا بالله أسأل الله أنه يخفف عني و يرضى عني و عنها انا غلطت زمان بس الغلط فضل ملازمني لحد لما خرب عليا حاجه كان نفسي فيها وبقت من أمنياتي