26 Mar 2026يشعر بـ مكسور القلب
ممكن تنصحوني انا كنت خارجه من تجربه خطوبه بس مؤذيه لابعد درجه كرهني ف نفسي وحسسني اني مش بنت ولا بحس وكل ده عشان كنت بخاف من الحرام وبحاول الي حد ما معملش غلط بالاضافه اني بتكسف وببقي مستنيه ان هو يبدأ الرومانسيه والخ وانا اردله اللي بيعمله بس هو عايز لا انا اللي ابدأ وهو اللي يرد برد فعل ف انفصلنا وبعدها عشان اخرج من الاحساس ده عملت حاجات غلط بس منبسطتش ودلوقتي بحاول ارجع لنفسي بس مش عارفه زعلانه انه خلاني اعمل غلط بالالاعيب النفسيه وزعلانه ان بعد الانفصال عملت غلط برده ومش قادره ارجع زي الاول ولا اسامح نفسي انا بكره نفسي اوي رغم ان عارفه ان كان غصب عني بس انا كنت محترمه اوي وبحترم نفسي للعلم الغلط اللي معاه مش الغلط الجامد لا
اهدي بس ومتقسيش على نفسك خلاص انتي اتعلمتي انو شخص كان وحش ومؤذي والحمد لله بعدتي عنو واي حاجه عملتيها ربنا شايفك وشايف قلبك روحيله اشتكي له ربنا غفور رحيم ورحيم يعني ارحم عليكي من ابوكي وامك وهيسامحك
الاعيب نفسيه ايه بس، ماتلوميش حد غير نفسك، محدش غصبك تعملي حاجه، انتي عملتي كدا عشان انتي عاوزه كدا، ماتعيشيش دور الضحيه والبريئه واعترفي ان انتي الي غلطانه!
متزعليش طول م انتي هدفك رضا ربنا واكيد ربنا كاتب لك الاحسن الطيبون للطيبات
هونّي على نفسك إحنا بشر وطبيعي نغلط لما نتحط تحت ضغط نفسي وظلم كبير زعلك ده دليل إن معدنك نضيف وضميرك حي فـ متخليش تجربة سآمة تهد ثقتك في نفسك. استغفري لربك وسامحي نفسك، وابدئي صفحة جديدة
الفخ الاكبر انك تكرهي نفسك .... عموما الحااجات الغلط او التجاوزات هي جزء من طبيعتنا وصح في اطار الزواج .. بس هي جزء من طبيعتنا فانت تقبلي نفسك انك غلطتي زي ما اي حد بيغلط و هو لو كان بيزعزع ثقتك في نفسك دا لانه نرجسي عايز يتحكم فيكي ويسلبك ارادتك فمتكرهيش نفسك وتقبلي انك غلطتي زي ما اي حد بيغلط و ركزي على انك تتعافي منه و انك متقعيش في حد شبهه
بصي كلنا بنغلط ومحدش فينا معصوم من الغلط ده مكنش بيحبك ده كان بياذيكي وكونو انو بعد عنك ده من عند ربنا يمكن انتي فكره شر بس متعلميش لو العلاقه دي استمرت اكتر كان اي الي حصل رجعي نفسك انتي احسن من اي حد وباب التوبه مفتوح انتي بنادمه زيك زي اي حد يعني هسالك سؤال انتي تبقي مدايقه ومخنوقه من نفسك وهو خد الي هو عايزة منك وعايش مبسوط ونتي مدايقه نفسك مينفعش خالص
شوفي ي قلبي أنا فهماكي اوي بجد علشان أنا مريت بتجربة مقاربه للموضوع ده و عملت غلطات كتير و شوفت انواع كتير من الناس و عرفت أن الرجاله كلها تفكيرها وحش اوي و انتي بتكوني عايزه تحمي نفسك منهم ف الشخص اللي كان خطيبك ده خلاص حاولي تنسيه عارفه ازاي افتكري كل عيوبه و بجد هتلاقيه نفسك بتكرهيه و الغلطات اللي عملتيها دي خلاص توبي عنها و حاولي تمنعي نفسك أنها تقع في اي غلط تاني لأن وقتها هتلومي نفسك كتير اوي و حاولي تقعدي مع نفسك مره واحده بس و تكون اول و اخر مره تفتحي مع نفسك الموضوع ده و تنهي كل حاجه مع نفسك تريحي ضميرك علشان مش هتستفيدي حاجه من جلد الذات و قربي من ربنا و ابكي و ادعي و أن شاء الله خير و هترجعي احسن من الاول ، الدنيا وحشه اوي اوي اوي احنا اللي اهالينا ربنا كويس ف لما اتعاملنا مع الناس حسبنا أن احنا غلط بس الحقيقه ان احنا صح طالما خلاص مش بعمل حاجه تعصي ربنا ، بجد لازم تقعدي مع نفسك و تنهي كل حاجه بينك و بين نفسك وتكوني رحيمه بيها اكتر من كده و توبي و اقفلي الصفحه دي و ابدئي صفحه بيضه جديده
مبدأيا و بكل بساطه متلوميش نفسك لان كل ابن آدم خطاء و بيجيلنا ديما ذلات بنقع فيها او بلطف ربنا بنجتنبها،ثانيا و واقعيا ده مش راجل حتى لو دخل من الباب في الأول و خطبك انتوا لسه مش خلال لبعض مينفعش حتى يمسك ايدك حتى،ف ان هو يتلاعب بالطريقه دي و يخليكي تعملي حاجه بالاعيبه و حاطط كل ده تحت بند خلاص انا خطيبك و انتي ام عيالي فدي مش رجولة و ده يبقى واحد حقير جدا و داخل باسم الحلال يلعب ببنات الناس
بوصى الشيطان عايزك تعيشى ندمانة ويحسسك أنه انتى وحشة عشان تبعدى عن التوبة بس حقيقى الشعور بالندم كافى توبى بس لربنا واتكلمى معاه
لما انفصلتوا الغلط اللي عملتيه كان لاي درجة؟
في أول الكلام كدا مش معني انك عملتي حاجه غلط يبقا انتي انسان وحشه بالعكس الناس الوحشه مع الوقت احساس الذنب بيموت من عندهم عادي البشر بتغلط متاخديش صوره وحشه عن نفسك + المشكله مش فيكي لكن هو اللي كان بيحب أن الست تبادر أليه و ده ذوقه و هو حر و انتي ذوقك بتحبي أن الراجل يبادر و انتي حره يعني انفصالكم ده بسبب اختلاف في أسلوب تلبيه احتياجاتكم العاطفيه مش عشان انتي انسانه وحشه و ربنا يهدينا و يهديكي الاختيار الصحيح🤍
محتاج اعرف تفاصيل اكثر 4768969921
متزعليش مفيش نصيب اهم حاجة توقفي الغلط الي بتعملية دة و تبدائي صفحة جديدة بينك و بين نفسك
اللي حصل معاكي ده كان عملية تطويع نفسي احترافية والهدف منها كسر الـ Frame بتاعك عشان تبقى مجرد رد فعل لرغباته
حاولي ترجعي بسرعه وتفوقي عشان العاده دي بتتحول ادمان
ارجعي لربنا عشان الموضوع دا للاسف ادمان فا بسرعة سيطري علية
طب وربنا م كلامك باين انك شخص عثل خالص
مش نفس الموضوع ولكن انا فاهمه احساسك ده ف اعتقد انك كويسه بدام حاسه بالغلط ده وكويس انك حافظتي ع نفسك كويس واختارتي ربنا داعي بس كتير انه ربنا يريح قلبك وانه يثبتك وحاولي مره واتنين وتلانه ارجعي لربنا وحاولي لو تطلعي اي مبلغ صدقه مثلا هترتاحي وهتحل بركه ف حياتك يا حبيبتي وربنا يريح بالك يارب