قال تعالى: ﴿ لَا تَيْأَسُوا مِنْ رَوْحِ اللَّهِ ۖ إِنَّهُ لَا يَيْأَسُ مِنْ رَوْحِ اللَّهِ إِلَّا الْقَوْمُ الْكَافِرُونَ ﴾ [سورة يوسف: 87] إن الله يحب التوابين عد الى الله وادعوه الا تعود للذنب مرة أخرى و صلى ركعتين توبة وربى يرضى عنك ويهدينا جميعا كلنا مذنبين

انت مش كداب ولا منافق وبعدين لو مرجعتش لربنا هترجع لمين؟ ربنا بيحب انك ترجع له وتقول له اغفر لي النبي ﷺ قال ان ربنا بيفرح بتوبة العبد واتعلم من التجارب اللي فاتت شوف ايه بيوقعك في الذنب وابعد عنه حافظ على صحبة صالحة انزل المسجد وحافظ على الجلوس فيه اقرأ قرآن وخلي لك ورد واعمل لنفسك عقوبة لو وقعت في الذنب تعمل طاعة انت في العادة مش بتحبها مثلا صدقة أو صلاة ركعتين أو ٥٠٠ استغفار من قلبك مش بس على لسانك إن الحسنات يذهبن السيئات زاحم المعصية بالطاعة ومتيأسش حتى لو وقعت مليون مرة متيأسش واتعلم من وقوعك ربنا يتوب علينا وعليك ويصلح حالنا جميعا

الحمد لله انك لسه بترجع وتتوب يعني ربنا في قلبك وعقلك متيأسش ..ربنا غفور رحيم

إن الله لا يمل حتى تملوا حتى لو اذنبت مليون مره ارجع توب للمرة المليون إن الله يحب الاوابين ( اللي بيتوبوا كثير)

احساسك مفهوم جدا وحقيقي فعلا لما الشخص يحاول اكتر من مرة في حاجة ويرجع يقع تاني بيبقي محبط جدا دا طبعا دينيا طبيعي وبيحصل لناس كتير ودا العادي من وجودنا في الدنيا واكيد انت فاهم دا ممكن اتكلم بشكل عملي اكتر احيانا لما تبقي في حاجة متكررة بالطريقة دي ساعات مش بتبقي هي المشكلة قد ما ايه اللي بيوصلك ليها هل عندك صعوبة تتعامل مع مشاعر معينة زي القلق او الغضب او الحزن او حتي الملل ؟ هل عندك احتياج معين بيقدمهولك الفعل دا ؟ واسباب كتير تخليك تلجأ لدا كوسيلة بس للتعامل مع مشكلة أعمق وعلشان كدا انصحك تروح لثيرابيست يساعدك ولو مرتحتش غيره لحد ما تلاقي حد كويس لأن الثيرابي مهم جدا وربنا يعينك يارب♥️

هيدي افكار الشيطان الانسان الي بيغلط وبيتوب بيغلط وبيتوب الله سبحانه وتعالى سماه بالأواب لا تخلي افكار الشيطان تأثر عليك

اول كلمة دى هدف الشيطان بالظبط افهم كويس الشيطان بيوقعك فى اية وعايزك توصل لفين وكل ماتضعف افتكر "إن الله يحب التوابين ويحب المتطهرين"

مجاهدة الذنب احسن من الاستسلام لي يا اخويا وربنا يوفقك يارب 🤍