مش للتعاطف اسف على البدايه بس مبحبش حد يتعاطف معايا او احس باشفاق حد تقريبا هتبقى اول مره ف حياتي اتكلم انا طول عمري كتوم وممثل بارع لاني قوي ومفيش وبالعكس في كل حاجه احنا اسره تمن افراد ووالدي بقاله حدود ١٠ سنين مش شغال معرفش بناكل منين ولا بنشرب منين بس ادينا عايشين امي شافت كل حاجه ف حياتها كمية ابتلاءات وشايله اخواتها من وهي صغير وبجد كتير اوي انا الكبير للاسف اهلي مش بيعرفوا يربوا ، مجرد اساسيات وخلاص اي نعم في جوانب كويسه جدا زي ان مقياس الحياه عندنا الحلال والحرام اولا بس في حاجات كتير غلط ربيت نفسي وبدات اعدل في شخصيتي كل اللي يعرفني يحلف باخلاقي وتفوقي لدرجة لو الكلام دا انا سمعته عن حد تاني اتمناله بنتي بس للاسف مش كل حلو بيكمل بوظت كل دا الشتيمه مكانتش بتطلع من بوقي زمان لكن دلوقتي حدث ولا حرج المتفوق اللي كان هيبقا من اوائل الجمهوريه خذل اهله واهمل وجاب ٧٦ وفي تجاره حاليا انا كنت امل امي اني هطلعها من دا بس للاسف ربنا شاء التاخير مش عارف انا بكتب ليه ومش مرتب اي حاجه بس انا حاليا في خنقه وحشه اوي كنت متدين جدا وكلامي كله قرءان وحديث ومش بفوق فرض كنت .... دي اكتر حاجه وجعاني لحد دلوقتي وسط كل دا عندي امل ان انا اللي هنقذ العيله دي ولو على حساب نفسي وحياتي طالع لابويا للاسف استاذ في التفكير والتنظيم لكن التنفيذ صفر وتسويف كتير اوي حد قالي نصيحه كنت اتمنى تتقال لابويا (متعلنش الخطوات اعلن مرادك بعد تحقيقه ) يااااه انا حاليا برتب لكذا حاجه هيغيروا حياتي تماما واخذا بالنصيحه مش هعلن الا لما اخلصها الطريق صعب اوي ومليان كسر خاطر وكلام تقيل بس لعله خير انا واثق اني هرجع اقرا دا وانا عدلت كل حاجه ثقه في الله ثم في قدرتي عذرا على الاطاله
نصيحه واحده هتساعدك وتيسر لك كل اللي انت عايز توصل له صلي ركعتين قيام ليل وادعي ربنا بصدق زي ما انتي بتتكلم بصدق كدا وان شاء الله ربنا هيكرمك ويجبر بخاطرك
حاول بردو تشوف فديوهات لناس بتتكلم باللغة ذات نفسها وتقلدهم بالاجتهاد هتتعلم في حوالي تلت شهور اكتر حاجه الكلام الي انا بقولهولك ده من شخص مجرب وعرفت ان النجاح موجود عادي انت بس ادعي ربك واسعى في اي حاجه اوعى تقول انا فين والحاجه ديه فين او تسمح لحد يقلل منك ويقولك متعليش سقف طموحاتك لا وريه فعلا انت مين وهو هيبقى شكله وحش جدا من الكسوف بعدين لان الناس بتعرف تتكلم ديما بس قليل الي بيعمل فعلا
سؤال بس ليه قررت انك. فشلت وانت لسة في اول الطريق؟؟؟ كل واحد فينا ليه قصته وحياته وهتفضل مكملة معاه لحد ما يموت ومحدش فينا يعرف الي جاي ابدا فانت دلوقتي جاي تحكم على نفسك وان الوقت ضاع مع انه مكمل وشغال عادي جدا اصل معلش فيها ايه يعني لما تدخل تجارة وتجيل ٧٩٪ طز في ثانوية عامة كل ده مجرد هبل الي عايز ينجح بينجح ولو ظروفه ايه بينجح والي عايز يقرب من ربنا ربنا بيساعده طب انت تعمل ايه دلوقتي تستهدى بالله وتصلي عادي ولو انت بقيت بتقطع حاول بالراحة ومتحسسش نفسك بالضغط كله بالراحه وحاوا تكور من نفسك في اكتر من حاجه لغة جديدة دور كده عن مجالات الذكاء الاصطناعي حقيقي تقدى تتعلمها بسهولة جدا وتعدي فيها من غير ما تدفع ولا مليم هتلاقي فديوهات على اليوتيوب وكورسات لو بحثت بالمجان خلي علاقاتك كلها مع ناس ناجحه وبدل ما تقارن نفسك بيهم اتعلم منهم وخلوهم يزقوك طب تعرف انك لو اتعلمت لغة جديدة واشتغلت اقل حاجه كول سنتر تعرف بتكسب قد اين هنا في مصر يعني لغة زي الفرنسية مرتبهم في الشهر ٢٥ الف اقل حاجه ومتقولش صعبة بالعكس دور كده هتلاقي سناتر بيدوا ناس كبيرة عادي الدبلومة الفرنسية DELF وتعرف تتكلم
فاهمك عشان قصتي شبه قصتك مع اختلافات بسيطه جدا بس انا معنديش الخطه دي اللي هتنجحني ربنا معاك ويوفقك يا معلم وان شاء الله تبقي بداية الخير ليك ولأهلك
فهماك جدا بجدد حساك بتحكي حكايتي ف حاجات كتيره أوي. ربنا يصلح حالك يارب ويجبر بخاطرك وييسرلك كل أمورك وتتم خطواتك كلها ع خير يارب 🩷
ربنا يوفقك يخويا ويخرجك من اللي انت فيه وتحقق اللي انت عايزه وتبقى في مكان احسن من اللي بتتمناه