السلام عليكم ورحمة الله وبركاته 🌸. مش بحب اتكلم هنا عن مشاكل شخصية للأمانة، بس فيه فعلا حاجة غبية اوي بتحصلي حاليا. انا في العادي فيه مشاكل كتير جدا مع اهلي، المشاكل دي حاليا وقفت تماما، ده غير اني بقيت باخد ادوية نفسية عشان انا عندي مرض عُضال، او مش بيخف بمعنى اصح، بنحسن الحالة بس. ف انا دلوقتي داخلة تالتة، وجسمي متدمر حرفيا، بشرتي وشعري، كل حاجة تقريبا فيا متبهدلة بسبب اني طول عمري كنت مضغوطة وعمري ما اهتميت بنفسي كويس، ولو حاولت بلاقي ده بيزود الضغط عليا ف بفكني من نفسي وخلاص. ف المفروض ان انا دلوقتي اتعالج نفسيا وجسمانيا، نفسيا ادوية وجلسات، وجسمانيا علاج طبيعي ورياضة واسنان وجلدية. البوينت ف كل ده اني مليش خُلق، انا فعلا المفروض ابدأ بالذات في العلاج الطبيعي عشان جسمي بيموت بجد، بس فعلا مليش خُلق. انا عايزة اعمل كده بس شايفة انه هيكون ضغط زيادة عليا، وف نفس الوقت المشاكل وقفت ف البيت ف ده وقت مثالي عشان اعمل الحاجات دي، بس انا عايزة افصل الفيشة من كله حرفيا، آخري بنضف الاوضة عشان اقعد مرتاحة بس، غير كده لأ.
موضوع مشاكل البيت دا نصيحه لازم يتحط له حد، يعني البيت بيولع وانا جو بشرب عصير ولا في دماغي، اه هكون متأثر عاطفيا بس مش مشكله هعمل نفسي اعمى هاخد نفسي واسيب الدنيا تولع واقعد في البلوكنه على السطح ولا كأن في حاجه حصلت، لكن تستني الدنيا تهدى عشان تلحقي نفسك من التعب دا كله لا ميصحش، الدنيا بتولع بس انا نفسي اهم وصحتي اهم، حاسس بالفيكي وتعبك النفسي، يمكن احنا منعرفش بعض بس انا والله حاسس بوجعك 😢، بس احنا حرفيا كرجاله بترمينا في الحيطه نردلك فااشطا، ركزي الفتره دي معلش وسيبك من اهلك اهتمي انتي بنفسك، ونزلي هنا لينا كل خطواتك واحنا هندعمك ان شاءلله ولو محدش عمل كده انا موجود متقلقيش
هناااا هنااااا
أها
ابدأي يا أستاذة عشان نفسك اضغطي على نفسك ف أول خطوة بس وبعد كدا هتلاقي الدنيا ماشية أسهل بس الفكرة ف البداية بس
وعليكم السلام ورحمة الله وبركاته معلش بس لازم عشان تبقي احسن تيجي على نفسك شوية ومتستسلميش للكسل عشان الموضوع ميزيدش وانتي في مرحلة مهمة في حياتك محتاجة تبقي في احسن حالاتك، ربنا يعينك ويوفقك فالجاي ويعافيكي من كل سوء
طب ابدا العلاج يسطا
اعتقد لازم تيجي على نفسك عشان المصلحة اكتر
طيب لو حليت لك مشكلتك ديت بطريقه بسيطه وسهله يعني