كلها شهر واحد وهتخرج و حاسه بأحاسيس غريبه ومتناقضه مش عارفه هعمل ايه ف حياتي بعد كدا و مجال دراستي مش شاطره فيه اوي و كمان مدايقه عشان مش هشوف صحابي تاني ( مع انهم مبقوش صحابي لانهم ف اخر شهر اتعرفوا علي ناس تانيه معانا ز اتصاحبوا عليهم و كرفولي مع اننا كنا صحاب اوي طول الاربع سنين بعد ما كنا قريبين اوي ب قينا بنسلم بس من بعيد هو احنا كنا ٣ و هما الاتنين دول مع بعض وبتاع و انا يدوب بقوا بيسلمو عليا مع اني مأذيتهومش ف اي حاجه ولا زعلتهم بالعكس هما الي اذوني كتير وانا استحملت عشان خاطر بحبهم وعشان مش بحب قطع العلاقات و مدايقه اوي وانا شايفه الدفعه كلها متخرجين ومعاهم صحابهم وبتاع وانا لا بجد النهارده كان اخر يوم عمتا مش هشوفهم غير فالامتحانات بعد كدا خلاص انا مش مدايقه عليهم انا مدايقه عشان بسأل نفسي ليه عملوا كدا وليه اذوني بالطريقه دي وانا مأذيتهومش وازاي ٤ سنين راحوا كدا ومفرقش معاهم اي حاجه؟ ) ظا بالنسبه للصحاب بالنسبه بقا للشغل ف انا محتاجه اشتغل جدا علي نفسي وكمان مش عارفه بعد كدا هعمل ايه يعني انا مبسوطه ان اكيد هتخرج الحمد لله وبعد كدا بقا هشتغل ولا هعمل ايه؟ بفكر اقعد شويه من غير شغل ولا دراسه ولا اي حاجه بس ارتاح شويه و لا احاول ابدأ شغل علي طول؟ بجد مش عاررفه اي حاجه ومش عارفه هعمل ايه و زهقت من الوحده و من الفقر انا فعلا محتاجه فلوس بس مش عايزه اشتغل انا بكره الشغل بس مضطره اعمل كدا عشان محدش هيصرف عليا و مصروفي مش بيكمل ٥٠٠ جنيه مبيكفوش اي حاجه و مدايقهههه ومتلغبطه و خايفه معرفش اصلا اذا حد هيقرأ كل دا بس انا مش عارفه اعمل ايه ف حياتي وكمان عندي مشكله صحيه كشفت عند كذا دكتور و كله بيقول اني تمام ومفيش حاجه بس انا شوفت علي جوجل ان دا حاجه نادره وبتحتاج كذا فحص واشعه وممكن يحتاج عمليه وانا مش معايا فلوووووس و مضطره اشتغل كمان عشان لو هيكون في تأمين او حاجه او حتي من فلوسي بس خايفه اني اموت وخايفه اني ملاقيش شغل وخايفه افضل طول عمري لوحدي انا طول عمري ما حسيت ان حد بيحبني صحابي كلهم بخسرهم و بيطلعوا فترات و عمري ما ارتبط و عمري ما حسيت اني شخص محبوب حتي بين الناس علي طول الهاديه الانطوائيه الي الناس بتتجنبها حاولت اغير من شخصيتي بس صعب انا عارفه اني رغيت كتير بس دي افكار اخر الليل بجد نفسي دماغي تهدا و الصوت الي ف ودني يقل و نفسي ضربات قلبي تهدا ونفسي ابطل اخاف من كل حاجه من الماضي والمستقبل و الحاضر اصل ليه بجد ابقا خايفه من موقف محرج حصلي من كام سنه بجد مهو كا مش طبيعي انا اكيد عندي مشله نفسيه اععععععع قضيت حياتي كلها ف البيت مش بعمل اي حاجه وحاسه ان عمري ضااااع بجد