منذ 3 ساعاتيشعر بـ مكتئب
مساء الخير انا عايزة اسأل على حاجة عشان تعبت هل الانسان لو راضي بكل حاجه بس مش مبسوط دا عادي ولا بردو دا سخط على ربنا انا الحمدلله راضية بكل حاجه في حياتي واقدار ربنا وبشكر ربنا كل يوم على كل النعم الي عندي وعندي ايمان كبير بربنا والحمدلله انا بصلي وبقرأ قران وبقول اذكار بس مش قادرة اكون مبسوطة حاولت كتير مش قادرة ومش عارفه اكون مبسوطة في اي حاجه في حياتي كأن في حزن وقهر كبير جوايا عمره ما هيداوى فهل عادي ان الانسان يبقي عايش راضي وبس لحد ما يقابل وجه كريم او هل في معجزة ممكن تحصل تغير الموازين؟!
راضي بحالي بس مش عايزه ودا العادي اني ابقا بطمح للاحسن ، الفقير راضي بحاله بس عايز يفضل كدا ؟ اكيد لا ف دا طموح للاحسن مش سخط ولا حاجه عادي بس المهم متزعليش نفسك وابداي في خطوات التحسين مع الرضا دا وهتوصلي لللي انتي عايزاه ان شاء الله
عادي جدا ومفيهاش حاجة وطالما مبنعملش الحاجة اللي بنحبها ولا وصلنالها هنفضل كدا اشتغلي على نفسك تحققي اللى انتي عايزاه وانتي هتبقي مبسوطة
بيكون اكتأب تقريبا
دا ما اسموش رضا
نفس الاحساس، ولكن الحقيقه انه عادي المهم نكون بنحمد ربنا ديما وبنقول الحمدلله وبندعيه انه يفرج عن الهم والبلاء دا ديما ويارب نخرج من البلاء دا انا كمان بجد
ده العادي بس المفروض بنحمد ربنا ديما