كنت قولت مشكلتى قبل كدة هنا بس محدش قدر يساعدني أو ربنا يكرم اللى نصحونى حتى لو النصيحة مجبتش معاية نتيجة.. بس انا بجد مش قادرة انسا شخص كان ف حياتى خالص مكناش مرتبطين بس كان باين أننا معجبين ببعض وانا كنت بتكلم باحترامى الحمدلله ومكنش فى حاجة وحشة ف شخصيتى بس ممكن اكون قفيلة شوية لأن اكيد هكون حاطة حدود بس كنت ساعات بكون دبش شوية بس والله ماكانت بتوصل أن انا اجرحه أو حاجة بالكلام ليه يعملى بلوكات على كل حاجة بسبب حاجة زى كدة يعنى انا ولا كدبت ولا خونت فى الاول كان بيحكيلى حاجات خنقاه بس كنت بستغرب وبقوله دى حاجات تخص اهلك احنا لسة بنتعرف بتحكيهالى ليه وحسيت انى رخمة فاعتذرت وقولتله احكى ومن ساعتها بجد ببقا معاه فى اى حاجة مضايقاه وبتكلم معاه وبهديه ووالمشكلة انى مش قادرة انسى موضوع ماخدش فترة كبيرة كمان انا مش عارفة انا ليه كدة بجد نفسى انسا ومش عارفة ونفسى يرجع ونفسى ارجعه بأى طريقة بس عدى شهور كتير اوى اوى بجد بس هو اكيد نسينى أو مش عارفة بس انا بجد منستش.. نفسى ارجعه مش حابة اكون بفرض نفسى على حد انا ممكن مكونش ف باله بس نفسى يرجع طول الوقت بكدب على نفسى وبكدب على اللى حواليا انى تمام بس انا مش تمام والله خالص
انت صح، هو لو جاد وعايزك فيقدر يتقدم لك، وان شاء الله ربنا يعوضك بإللي أحسن منه
نصيحه منى خدى الخطوه وحاولى توصلى ليه بكل الطرق لحد ما تكلميه وشوفى هتوصلى لايه معاه إذا كنتو هترجعو لبعض تمام مفيش رجعه تانى يبقى خلاص انتى ارتحتى وريحتك نفسك من كتر التفكير إلى حطه نفسك فيه ده ومش عارفه تعملى ايه
م من رايي كنت قولي له على عيبك ده انك مش عارفه تتعاملي معاه بسراحه و اي الحجات اللي انت حطاها حدود زي مثلا ان انت مش حابه تتدخلي في خصوصياته الا بعد التطور و تشوفي هو المناسب ولا لا علشان ما تنجرحي بعدين واي علاقه مرت عليكي قبل كده بتكون درس ليكي فا انتي تحددي ايه الغلط اللي عملتيه في العلاقه و خليتها تبوظ و ايه الحاجة اللي موجوده في الطرف التاني إللي كانت مضيقاكي علشان تتجنبي تعملي الحاجه الوحشه اللي فيكي مع الشخص الجديد و لو فيه نفس الحاجة الوحشه اللي عرفتيها من الشخص الللي فات تبعدي على طول
فاهمك بس انت بتحكي من وجهة نظرك ممكن تكوني بتقولي كلام متقصديهوش بس هو كان شايف حاجه تانيه بس ف لاول والاخر انت قولتي انك اعتزرتي بس ممكن هو منساش وممكن بردو زي ما بيقولو يكون شافلو شوفه تانيه حاولي تشوفي حياتك بس
الاستحقاق مبيجيش بالاستعطاف فـ طول ما إنتي قاعدة مستنية يرجع بأي طريقة إنتي بتقللي سعرك في سوق العلاقات وقيمتك قدام نفسك والشخص ده لو شافك دلوقتي هيدوس عليكي أكتر لأنك مضمونة