هل فيه طريقة اني ارجع اثق ف حد خانني و خان عشرة تلات سنين ؟ الخيانة اتكررت مرتين في نفس الشهر و بعد ما اتصالحنا مرة بالعافية كررها تاني و خلاص بعدنا و بلوكات و كل واحد راح لحاله ، بعدها باسبوع بعتلي تاني مع اختي و والدتي يعتذرلي و يقول مش هلاقي زيك و انا فعلا غلطان و عرفت غلطي و كنت طماع و اناني و قعد يغلط نفسه كتير و والدته بهدلته لما عرفت ..لدرجة أنه دعا علي نفسه بالموت لو مسامحتوش و كان بيترجي والدتي اني ارد عليه .. مش قادرة أحبه زي الاول بس في نفس الوقت صعبان عليا الاحساس ده عايزة احبه و مش عارفة .. كأنني عارفة ان الصح اننا نبعد بس الاحساس ده تقيل عليا جدا قولتله ليه يخون و هو عارف ان ده هيأذيني ؟ قالي عشان غباء و طمع .. هل فيه طريقة اقدر اسامحه بيها .. و هل اصلا صح اننا نرجع ؟