انا شخص بستحمل ومش بقع ولا بتعب من اقل حاجه بس عمري م هنسي كل مره انهارت فيها قدام اهلي وصرخت بكل قوتي من التراكمات اللى فيها ونقدهم ليا طول الوقت وكلامهم اللى يحرق الدم واعاتبهم على كل حاجه هما اذوني فيها وهم يبقوا واقفين بكل برود ومفيش حتي شويه مشاعر تتحرك ليهم أو يطبطبوا عليا وهما شايفيني منهاره حرفيا ، لا مش بيهدوني بابا بيبصلي وبنظره كلها برود وعدم اهتمام ويقولي متفتكريش انك لما تعيطي هتصعبي عليا أو بلاش ونبي شغل التمثل ده ❤️‍🩹 تمثيل ايه انا ببقا كلمه منهاره دي بسيطه علي اللى ببقا في وهم ولا همهم وافضل أصرخ واعيط لحد م انام من التعب والصداع والضرب المُميت من ابويا بيضرب بغباء مره ضربني بالقلم اقسم بالله محستش بدماغي للحظات كنت هيأغم عليا من الضربه وودني وشفايفي نزفت ومره تانيه حدفتي ب ترابيزه في وشي وكان بيضربني برجله في بطني لحد ما ببقا مش قادره اتحرك ولا حتي أصرخ من الوجع وهو شايف أنه كده بيربينا وأن انا اللى دايما غلطانه اني بعصبه بوصله للمرحله دي من العصبيه بس هو اصلا بيتعصب بسرعه جدا اقسم بالله وعلى اتفهه الأسباب ومش مبالغه بجد مش هنسي لما مره في وسط انهياري قولت ل بابا و ماما انتوا خليتوني مريضه نفسيا انتو تعبتوني لقيت بابا بصلي بكل بنفس النظره اللي كلها برود وعدم اهتمام وقالي احنا خليناكي مريضه احنا جنناكي وقعد فتره كل ما اتكلم مع حد في البيت يقول سيبوها سيبوها علشان دي مريضه نفسيا عمري م هنسي اي حاجه اهلي كانوا سبب فيها ولا عمري اني فكرت في الانتحار اكتر من مره بس انا خوفت من عقاب ربنا وقولت يعني هتعذب في الدنيا والآخرة واللى بالمناسبه لما قولت لابويا هنتحر واجبلكم مصيبه قالي ولا مصيبه ولا حاجه عادي كلبه وراحت وبجد كنت هعملها ومن خوف امي عليا فضلت قاعده جمبي لحد م انام علشان معملش حاجه . وكنت محتاجه لدكتور نفسي من التعب ودورت عليه بجد على سوشيال ميديا كنت بفكر احوش من مصروفي واروح من غير ما حد يعرف بس للاسف هم متحكمين فيا ولازم يعرفوا انا رايحه فين وجايه منين وبمواعيد+ اني حتي مكنتش قادره احكي أو اتكلم مع اقرب صحابي على مشاكلي مع اهلي كنت بتكسف ولما كنت بتضرب ووشي يورم ولا كنت بروح مدرسه ولا دروس واكدب على صحابي واقولهم اني تعبانه ، لحد م وشي يخف . بس انا تعبت وبجد مريت بحاجات كتيره جدا جدا من سن صغير اوي اوي وشلت الهم والمسؤليه بدري وحاسبت على حاجات انا مليش زنب فيها والله وهم مش فاهمين ده اسفه لو طولت عليكم بس دي نقطه في بحر وجعي وصراعاتي مع اهلي ❤️‍🩹💔