اول ما تيجي ف بالك حاول تلهي نفسك بحاجه بتحبها يعني اول ما تحس انها وحشاك دلوقتي حالا قوم من مكانك اعمل اي حاجه انزل اتمشي اعمل اكله بتحبها اعمل مشروب بتحبه اقعد مع اهلك شويه ومتسيبش نفسك لدماغك وقتها وبعد ما تعمل كدا هتحس نفسك احسن واهدي كتير ومره مع مره ان شاء الله هتلاقي الوضع احسن

انا مريت بنفس الشي ده وحاليا اتخطيت ونسيت بعد معاناه جامد بس الحمدلله وصلت لاني انسها الشخص ده ومبقاش حابه ولا عاوزة وجوده وحاليا الشخص ده هو اللي بيجيلي وبيكلمني وبيطلبني باي شكل وبيعمل المستحيل بس انا خلاص مبقتش عاوزة ده ف عاوزة اقولك انك حاول فعلاً تبينلها انك نسيتها اه انت مش ناسيها بس باين انت انك بعدت واظهر انك مش محتجلها او انك فوقت وادركت ان اختيارك كان غلط مثلا باستوري اظهر انك بقيت مهتم بحياتك وغيرت حجات كتيره للاحسن وبينها وبين انك فيه حد في حياتك اعمل اي حاجة تبين انك نسيتها وبطلت تحبها هي هتحس انها ضيعتك من ايدها ومع الوقت هتحاول معاك تاني وساعتها انت تبقي تختار بس حاول تغير حجات كتيره في حياتك وتلهي نفسك فيها حقيقي مع الوقت اصلا هترتاح والاهم انك متحولش تبين نفسك ضعيف قدامها بينلها انك عادي قادر تكمل من غير وجودها وبين انك اقوي حد ع الارض حته لو بتموت فيها لان بصراحة اي بنت بتحب الراجل مش ضعيف ومش بتحب اللي رامي نفسه عليها يعني هي هتحب الشخص اللي مش مديها اهتمام هتحاول هي عشان تشوف الإهتمام تاني وان شاءلله خير ولو ليك نصيب فيها ربنا يكتبهالك لو مش نصيبك ارضي ب ربنا كتبهلك

افتكر دايما لو ربنا كتبكوا لبعض ف النهايه لو لبعد سنين هتبقوا لبعض وادعي انها تكون من نصيبك ولو مش من نصيبك ربنا يعوضك باللي تستاهلها وافتكر وعسى أن تكرهوا شيئا وهو خير لكم وعسى أن تحبوا شيئا وهو شر لكم

بصي المفروض انك مكنتيش تقولي له انك بتحبيه هو لو عايزك يبقى تمام غير كده مش مهم و كرامتك فوق كل شيء عارفه ان الموضوع بيوجع بس بجد مينفعش انك تروحي تقولي لولد انك بتحبيه

طب ايه اللى عرفك انها بتحب شخص تانى ومعاه فى علاقة طب ما ممكن فعلا هى عايزة تركز فى حياتها وانت لو جاهز خد خطوة جدية واتقدم ولو مش جاهز اجهز واشتغل اكتر وابقا اتقدملها وانت تعرف فعلا هى عيزاك ولا لأ من غير اى لف ولا دوران ولا اعترافات ولا الجو دا ولو انت لسه فى ثانوى وكده ف انت بتهزر

انت عندك تعلق كبيير وهذا شي صعب اضن انو سبب في تربيتك واهلك