متخيلتش ان هيجي يوم واكتب عن مشكلتي هنا،، بس جاي بمشكلة كليشية جدا،، اتسابت يا اخوننا،، مش قادر لسه اعترف لفسي اني عندي مشكلة،، بتمرن انا كنت ناجح نوعا ما بالنسبة لسني، عندي البزنس بتاعي،، قررت استقر اتعرفت علي بنت بطريقة غريبة فوق ما تتخيلو،، قصة تتعمل فيلم،، مش مصدقها لحد دلوقتي،، بس حقيقي اشبة بالمعجزات، واتقلبت بقت اكبر لعنه تحرق في روحي، مش قادر احكي، انا منهك جدا، الضرب كان في مقتل بس انا لسه عايش،، ملامحي اتغيرت،، ازاي انا كنت بلمع،، مش عايز اقوم تاني، خلصت كدا،، طلبتها في الحلال يشهد ربي،، بس تحججت خوف من ابوها،، انا لسه بحبها،، وميتيهيأليش اني ممكن احب غيرها،، كانت ملاك،، كانت اجمل حاجة شوفتها في حياتي، سحرتلي، واتسحرت بكامل ارادتي، مش عارف مين السبب او ميناللي غلطان فعلي،، بس ابوها السبب الرئيسي،، بيني وبينها بلاد،، هي كانت من بلظ عربية بعيده،، مكنش في غيرها ملي عنيا،، مش قادر علي لحرق اللي جوايا،، صليت ودعيت بس مش قادر،. 💔 الشباب يقولولي اتخطو ازاي العمق ده،،، والبنات تقولي انتو ليه بتختفوا ليه بتقرروا فجأة ،، مش فاهم
سمعت قبل كده من الشيخ علاء حامد انه طول ما العلاقة في الحرام ف البنت الشاب بيشوفها أجمل ما يكون هتاخد وقتك في التعافي و لما تفوق هتفهم كلامى ربنا يهون عليكِ
لما تفكر تحب حب بشروط شروط تحميك من الوجع النفسى بسبب الإختفاء الفجأة ومفيش حاجة تضمن حقوقك من ورا شاشة إنت هتقوم من تانى على فكرة وهتقدر تقاوم كل ده لوحدك مفيش حد فى سنك عمل نص اللى عملته وشباب كتير بتحلم توصل للى انت فيه والناس بتجيلك لحد عندك علشان تاخد رائيك وتستشيرك كل ده انت عملته لوحدك… بطولك… فمهما وقعت هتعرف تقوم حتى لو بتنزف… لإنك عملت الصعب فـ اى حاجة هتيجى بعديه وتروح هتقدر تتأقلم على فراقها المشاعر زى ماممكن ترفعك لسابع سما (ممكن تنزلك لسابع أرض) وواضح إنك من الناس اللى بتحب تسرح بخيالها لبعيد وترسم مستقبلها لسنين قدام الماضى اتخلق علشان نتعلم منه مش نسرح فيه راجع نفسك كويس لحد ماتحط ايدك على اول سبب واول بداية الوقعة.. جايز تكون وقعت من قبل ماتدخل العلاقة اساسًا المهم إنك تحدد الاسباب علشان تحافظ على النجاح اللى وصلتله وتكمل بيه لسنين قدام وتلاقى حد يشاركك طعم النجاح بس مش اى حد.. حد شاريك وانت شاريه
بما انى بنت ف انا يوم ما قررت مختفتش على طول لأن مش بحب كده مش بحب الهروب لأن مش ضعيفة يومها اختارت ربنا و اختارت نفسي لأن ربنا ميستاهلش منى كده ولا انا استاهل انى اضيع مشاعرى و استنزفها اكتر فى الحرام يومها بعتله و عرفته بس مخدتش غير الغموض في كلامه و البرود و اللامبالاة و عدم الاهتمام و دى كانت حكايتي اللى للأسف بدأت من هنا💔💔
انا بمر بحاجة شبه ال بتمر بيه و نفسي ييجي اليوم ال اقول فيه زال السحر