أنا مدرك تمامآ انك عايزه تساعديه لكن هل رغبتك في المساعده دي جيه من قرار عقلاني و لا عاطفي علي ما اظن رغبتك جيه من قلبك عشان انتي معجبه بيه اوي كدا فالشئ اللي لو انتي اختي هقولك عليه هو انك لازم تحاولي تمسكي نفسك و تتجنبي تمامآ انك تشوفي الشاب ده أو حتي تكوني في نفس المكان اللي هو في لان لو هنحسبها بالمنطق هو انتي متعرفهوش دلوقتي زي مانتي بتظني و احتمال تكوني بتحبي نسخه في خيالك عنو مش اكتر و لو هنحسبها بالدين انتي عارفه أن ده حرام مش مشاعرك اللي حرام بالعكس المشاعر شئ جميل لكن انك تاخدي قرار انك تتعاملي مع خارج الحدود الشرعيه هو اللي حرام و ربنا يحفظك من كل شر و يرزقك الحب و الدفئ في حياتك 💙

بلاش تتعلقي بحد او تحكمي من بره ان فلان شخصيتها شكلها كويسه وكذا كذا . بالنسبه لانك مش عارفه تقولي ايه قولي الحمدلله الذي عافانا مما ابتلي بيه غيرنا ربنا يثبتك و يزيدك واوعي شيطان يحسسك ان حد اقل منك بسبب ذنب كلنا معرضين للفتن حتي رسول صل الله عليه وسلم كان بيدعي بالثبات .