انا بجد عايزة اقولك انك قولتي كل حاجة انا كنت بمر بيها حقيقي بالمللي، بس هاقولك ان اللي خلاني اتحرك وممكن ينفع معاكي هو اني سقطت في سنة اولى جامعة في مادة واحدة وانتِ مش متخيلة الكسرة اللي بقيت فيها، مش هاقولك اني اول ما دخلت الترم الاول من سنة تانية بقيت اجمد حد بس بجد حطيت قدامي هدف اني ماسقطش تاني لاني عمري ماحصلتلي، وبقيت دايما اللي بيخليني اقوم اتحرك هو الفكرة اللي بحط نفسي فيها اني لو ماقومتش على الاقل اخلص اسسايمنت عليا و لا شيت لازم اسلمه او ابدأ على مشروع وبريزنتيشن هيعلي الGPA بتاعي هو اني دايما حاطة صورة قدامي لنفسي لو سقطت و فشلت في حياتي و، التعب النفسي اللي هاكون فيه، دي حاجة اسمها الـToxic motivation حطي دايما لنفسك صورة قدتم نفسك عكس اللي بتحلم بيه، شوفي نفسك قدام و انتي ندمانة وبتتقطعي من الزعل لمجرد انك ماذاكرتيش و ماعلتيش نص اللي عليكي على الاقل علشان تقربي من الوصول، انتِ دلوقتي بقا في المكانة اللي نفسك المستقبلية ندمت انها ماستغلتهاش، انتِ دلوقتي عندك الفرص الكتير االي نفسك المستقبلية ندمت انها كان نفسها يكون ليه فرصة واحدة بس، صدقيني يا حبيبتي هتوصلي

ربنا يوفقك

شوفي حد يشجعك ويبدأ معاكي وتتابعو بعض خلصتو ايه ووصلتو لفين مش لازم يكمل معاكي بس يديكي زقة البدايه

مش كل تحفيز هيحركك من مكانك ويخليكي تسيبي التليفون هو تحفيز كيوت بقا و حاجة لطيفة و احلام وردية، ساعات لازم حاجة تخوفك من الحفرة اللي هتقعي فيها لو ماتحركتيش حالا

انا زيك برضو بس بصراحه بطلع اعلي لڤل عندي لما يبقي فيه منافسه مع حد علي وقت مذاكره او كميه لما بحس اني ف تحدي او ضغط كده ف بحس اني بجيب 150% من طاقتي زي ثانوي كده انما ف الجامعه حاليا مفيش حد للاسف ف حرفيا تقريبا مستوايا يدوب ٦٠٪؜ مثلا قولتلك تجربتي يعني بحيث لو هتستفادي منها ف حاجه

أنا زيك بس تقريبا حاسه إن الإنسان مش هيطلع من الدايرة دي إلا لما يسقط بعد الشر أو تحصل حاجة سيئة كبيرة في حياته