انا في ثانويه عامه ومن اول ما دخلتها امي رجلها اتكسرت وبعدها سابت البيت وراحت مكان تاني ومن ساعتها وهي ومرجعتش البيت وخلاص خفت وبقت زي الفل وهي سايباني كل ده وبابا ب حكم شغله مسافر ديما مفيش غير اخواتي بس اللي معايا وبابا بيعدي علينا كل كام يوم وحرفيا امي مش سأله فيا الاول كنت زعلانه بس في شهر ١٢ اللي فت هي جت البيت وياريتها ما جت لاني انا مش بحبها امي للأسف نرجسيه جداا لدرجه تدمر الانسان وهي اللي ممشيه البيت وبتتخانق بطريقه مش طبيعيه حرفيا قعدت في البيت يومين اتنين اتخانقت معانا كلنا واتخانقت معايا لسبب تافه جدا عشان تفاحه حرفيا اخويا كلها امي صحتني نفزوعه وقالتلي انت اللي مكلتيش باقي التفاحه دي قولتلها لا مش انا قالتلي لا انتي يا كذابه قولتها ولا مش انا وعيط ونا بعيط وبملمها نبىه صوتي عليت ونا بعيط مش بزعيق والله بس طبيعي لما حد بيعيط نبره صوته بتعلي راحت بصوته في وشي وشتيمه واهانه ب اسؤ طرق ممكنه وجالي انهيار عصبي ونص جسمي مكنتش حاسه بيه وفضلت اصوت لحد ما الجيران اتصلو ب ابويا واختي كانت معايا في الاوضه شايفاني كدا وقاعده تقلب ريلز علي الفون ولا اكنها شايفاني كنت حاسه ان قلبي هيقف خلاص من كثر الصويت رحت بابا كلمني وقالي اسكت عشان الجيران مقدرتش انا مكنتش قادره اخد نفسي ساعتها حتي وشكتله من ماما ولما امي عرفت اني كلمت بابا راحت كسره عليا بابا الاوضه وقالتلي فضيحه بفضيه ونزلت فيا ضرب وتقولي كل ما تصوتي هضربك اكثر وانا اتعمدت اصوت اكثر عشان افضحهم ولما لقت جسمي بقي بيرتعش ومش طبيعي خافت وسابتني ونا كملت عياط تاني بجد مش عارفه اعمل اي والله دي اقل خناقه بينا ساعات بتوصل انعا بتطردني من البيت في نص الليل قدام الجيران ب لبس البيت لحد بليل عشان شويه غسيل متعملش ولا مواعين المشكله ان فاضل شهر واخلص ٣ث وهروح المكان اللي هي فيه تاني ونا حرفيا ربنا نجدني من الكام شهر بتوع ٣ث دول مش عارفه اعمل اي ازاي هرجع اتعامل معاها تاني ومحدش يقولي اتجنبيها هي بتجبرني اقعد معاها لحد ما نتخانق مش بعرف اهرب منها اعمل اي بجد تعبت خايفه اكبر وابقي زيها مع العلم ابوها كان كدا وكانت بتشكيلنا منو والله مفيش حاجه عملها غير لما عملتها فيا ونا خايفه اكون كدا