اولا ربنا يعينك و يقويكي يارب يا حبيبتي تاني حاجه اوعي تسمعي اي حد يقولك استحملي او متطلقيش او يقولك متخربيش بيتك و الكلام الخايب ده بصي بما انك بتشتغلي حوشي فلوس احتياطي و خليها معاكي جيبي بيهم بيت صغير او اي حاجه و طوري نفسك في شغلك كويس اوي و زني على الطلاق لو هو برضه زي ما هو يبقى عيشي معاه كانه مش موجود او بمعنى اصح خليكي هانم اشتغلي و اهتمي بنفسك و ب اولادك ربنا يخليهملك و كبري من نفسك او لو موضوع الخلع مش هيعمل مشكله اعملي كده بس تكوني عامله حسابك على كل حاجه ممكن تطلع منو و جهزي معاكي محامي شاطر اوي عشان لو هو حاول يعمل معاكي حاجه او أخواتك ممكن برضه تشوفي اي حد برضه يساعدك اكتر ممكن تكلمي برنامج رضوى الشربيني و تتواصلي معاها هي بجد ست جميله اوي و هتساعدك بس الاهم من كل ده اوعي تسيبي عيالك أنا عارفه انهم مسؤليه والله بس اوعي تسيبهم

انا صعيديه الحمدلله الفلوس حاليا مش مشكلة بس المشكلة اكبر أن اهلى اللى رمونى وماحدش اساسا بيسال فيا لو ضربنى ولو عمل ايه حتى هما اكتر ناس ممكن يخلصوا عليا أو يحبسونى حتى الشغل ها يمنعونى منه انا ليا سنين عايشة لعيالى ويحاول ابعد عنه بكل الطرق بس بجد مابقتش مستحملة الاكتئاب دمرنى من كتر انى ماشيفاش حل ما بقولش غير حسبي الله ونعم الوكيل نفسي ربنا يخرجنى على خير يارب