عارف انت الشعور انه كل حاجة غلط وانك مش مفروضهنا ولا المفروض تعمل وكدا انا مقصرة في ديني ودا السبب بس انا تعبانة، حاسة ان اهلي مش بيحبوني علي الاقل مش زي اخواتي، الناس بتقرب مني ونبقي صحاب بس حاسة برضو انهم بيشوفي صورة مش صورتي حد مش انا صورة انا اللي رسماها، انا اخدت فترة بعمل العادة السرية وبحاول ابطلها وتقريبا دا بيجبلي صداع مريع يكمل باليوم والاتنين، بيبقي نفسي حد يطبطب عليا ويقولي الف سلامة بس اللي بيحصل انهم بيقعدوا يشوفوا اسباب الصداع،"يمكن من التلفون، من السهر، من قلة النوم" ببقي هموت واقلهم انا عارفة الصداع منين انا عايزة حل انا تعبانة، بس بسكت كل حاجة بقولها بقيت عارفة اجابته "انا تعبانة" "كلنا تعبانين وادينا شغالين" حاجة تخليني اتمني الموت، فكرت كتير اني انتحر بس بقول ايه دا انتي عبيطة هتزعلي ربك عشان شوية مشاعر، انا جربت انتحر مرتين والمشكلة انها تقريبا برضو بسبب اهل بس مش فاكرة كان في ابتدائي عارف يعني ايه وحدة في ابتدائي جربت تنتحر مرتين، محصلش حاجة لان الموس كان تاللم ومحدش عرف بحاجة، انا بجد مش قادرة، غير ضغطتهم عليا انا ثانوية عامة وعلمي رياضة فبقلهم في في امتحانات القبول قبل ما النتيجة تبان وفي كورس وعايزة اشترك تقولي خليكي في مذاكرتك ومستقبلك مش دا مستقبلي برضو، انا بكره نفسي وبكره كل حاجة، مش عايزة اموت ولا افضل عايشة عايزة اهرب اختفي وكأني مكنش ليا وجود من الاساس