انا ديما فاي خلاف بيحصل بقف فالنص بين مين الغلطان انا ولا الطرف التاني مهما كان انا حاسه باحساس وحش بس بردو بحس اني ممكن اكون غلطانه ومبالغه ومش ببقا عارفه اخد حقي ولا احكم علي الموقف صح او اخد اي رد فعل. انا بحب شخص بس ديما هو بيرد متاخر عليا في تواصل بينا فعلا بس مش مشبع ليا ابدا بحس بالذنب ساعات وبقول اي ممكن شخص متطلب اهتمام اوفر او حاجة ساعات بتخانق معاه بس برجع اعتذرله عشان بفكر اني اوفر رغم انه ممكن يركن رساله مني مش هتاخد وقت انه يرد عليها وهو اونلاين عادي يعني الرساله ممكن 3 ساعات عقبال ما يرد عليها وممكن اكتر وده علطول وديما حجته انه مشغول بس هو مفيش حد مشغول دايما صح؟ ولا انا اوفر ولا اي رغم اني قولتله كذا مره ده بيضاقني. بحسه ديما انه بيتهرب من اي حوار او خناق ومش عاوز يوجع دماغه باي شكوي مني. بس هو مش بيغير اسلوبه. حاسه اني عندي تعلق قلق لاني مش مبسوطه بس مش بسيبه ومش قادره عشان بحبه بقالنا 3 سنين فالشد والجذب ده لحد ما حاسه اني بقيت عصبيه ومش عندي طاقه اعديله حاجه وفنفس الوقت بحاول مبقاش خنيقه و انا اصلا مش عارفه انا صح ولا غلط هتقولو ركزي مع نفسك والكلام ده انا عارفاه بس مش قادره اطبقه او مش قادره اتقبل فكره اني ممكن اتجوز حد يخليني اتجاهل نفسي