طيب انا شخص بخاف من الناس نفسي يبقي عندي صحاب وبخاف جدا اتعامل مع ناس جديده انا شخص برده مش ممكن تستفاد منه بحاجه شخص بكدب كتير عشان ابان جامد ويبان ان عندي حياه زي باقي الاشخاص رغم انه مش كده انا شخص ممكن تحسني عبيط شخص مش بيتقبل نفسه شخص بيخاف يخش الاماكن النضيفه عشان ميحسش انه اقل منهم شخص بيخاف الناس تتريق عليه شخص شخص شخص جبان بيخاف يواجه شخص كتوم شخص نفسه يعمل حاجات كتير بس هو اللي دافن نفسه بكسله وانعدام شغفه وزي مابيقولوا عدم رغبته في النجاح بس انا والله نفسي انجح شخص بيخاف يجرب حاجه جديده شخص روتيني جدا بس في نفس الوقت بكره الروتين شخص مش بيعرف يعمل اي حاجه مش بعرف العب كوره ولا صوتي حلو ولا شكلي حلو ولا مثلا اجتماعي وعندي صحاب كتير ولا غني ومعايا وفلوس ولا بكلم بنات ولا بتاع خناقات ولا عندي اي هوايه ولا حتي شاطر في الدراسه مش عارف عايش ليه ايه الفايده من اني اعيش
بص أول حاجه أكيد ربنا خلقك لسبب تاني حاجه حاول تسمع قرآن أو تحفظ قرآن و على فكره أنا ماعنديش صحاب بردو لو عاوز أكون صاحبك انا ماعنديش مانع
يعني ايه بتديها كام
اقسم بالله البوست بتاعك اول بوست تقع عليه عيني اول ما فتحت البرنامج ده انا حتى ما لحقتش اغير العلم لو تسمح لي يا صديقي ان احنا نكون اصدقاء ورب الكعبه يكون شرف لي
أقسم بالله العظيم يا اخي انا كنت كده ولازلت فيا بعض الحاجات دي اصلا برافو عليك انك قدرت توصف نفسك يعني انت بس فعلا لما تحاول تتكلم كده بوضوح مع نفسك ده هيفرق معك انت ممكن نسيت كمان انك فيك حاجات إيجابية كتير زاي مساعدة الناس بدون حتي أنه ما يشكرك أو انك تفضل تساعد غيرك أو تسمع منه وانت عايز اللي يسمعك انك بتدي نصائح للناس وبيستفيدوا منها انت بتكون اسعد واحد في الدنيا لما تساعدهم
الناس بتعاملك بأخلاقك وتعاملك معاهم مش ال بيسمعوه منك حاول تكون انت حاول تلاقي نفسك حاول تقرب من ربك على قد ما تقدر تسمع قصص الصحابه وما الى ذالك