انا نقرى سنة اولى انجليزية عامي الاول ايا انا منعرفش اونجلي نهدر ببها منيش جايبة روحي فيها اطلاقاا وبابا لي خيرهالي فالتخصص وكنت نقولو بدلني ومبغيتهاش يقولي اقراي بركا مديري فسبايب كنت نانسيستي عليهم بزاف فالدار بلي منيش راح نلقى روحي فيها وراح نعاود لعام كون نكمل فيها لانو منيش مليحة فيها منعرفش نهدر بيها وهيا لازم نعرف باش نعبر فلقسم نشارك كلش بلونجلي ايا طحت فواحد الموققف زدت كرهت طوول وكنت نقول مروحش نقرى خلاص لانو استاذة عطاتلنا نديرو قصة نعرفوها ونقولوهالها شفهيا انا درت وهيا قعدت تسقسي فيا منين جبتيها كيفاه ومنا ايا وزاد سقساتني واحد لكلمة وش معناها قتلها (الراعي=shephred) بصح قتهالها بلعربية الراعي ملقيتش كفاه نشرحهالها ايا جاوب واحد الشيخ يقرى معانا قالها وجاوبها صحيحة قاتلي هكا قتلها لالا مالقري كان صحييح كنت متوترة بزاف وووليت نتقطع وانا نقول فهاذيك لقصة وهيا تسقسي فيا طول ايا قلقت بزاف مهم كملت قعدت فبلاصتي وكي خرجنا قاتلي وحدة صحبتي مش صحبتي طول طول بصح نهدرو مع بعض سلام صفا ومنا ونعرفها قرات معايا عام مكان بيناتنا والو جرحتني وغاضتني عمري كي قاتلي نتي كون مطلعتيش خير قعدتلي فبالي ايا روحت فلبيس دمعة فعيني بغييت غير نبكي روحت انا وصلت للدار ديراكت انا انفجرتت 😭بلبكا ماما قاتلي وشبيك قتلها هذا كل نتوما شفتو كفاه صرالي ملقيتش روحي ليوم والاستاذة كيشغل مصدقتش لقصة وهيا كامل نعرفوها تاع راعي الكذاب تاع ياشهاب مهم هذي هيا
اول حاجة فشل راه مفتاح نجاح جامي لا تقيسي معايرك بمعاير لغير وراه مشكل الا ضحكو عادي راكي تتعلمي جامي ولا زادنا متعلمين واو نعرفو عادي كامل نخطأو مرناش مبروقرامين باه منغلطوش نغلطو او نتقبلو رواحنا حتا لي اعلم فيك راكي تشوفي فيه متمكن باه اعلمك بصح روماركي منين ذاك يغلط ديري في عقلك راكي في مرحلة نتاع تعلم لازم انسان يفشل و يخطأ ولا ضحكو خلي يضحكو عادي ياك مراحش انقصلك من عمرك كي يضحك امر طبيعي بلعكس هاذي ضحكة او هاذي موقف خليه اجابي ماشي سلبي طوري من روحك لبكا مليح بصح خليه علا فايدة افلاطون كان يرى أن الضحك على الآخرين نوع من الجهل بالنفس، لأن الإنسان العاقل ينشغل بإصلاح نفسه بدل السخرية من غيره. وسلام عليكم
3adi if u want help I can help u . Tgdri tt3lmi easily ( podcast) wla gouli l chatgpt ymdlk 3la hseb niveau t3k w tt3lmi habba habba bs7 lzm sbar w discipline
جامي تفشلي انا تاني كانو يضحكو عليا كي كنت نتعلم الإنجليزية بصح تحديت كل شيء و لا اهتم بأحد و الان أتحدث الإنجليزية مع الأمريكيين و حمدالله لزم تيقي في نفسك و متخافيش