انا أول مرة اكتب في مكان غير النوت بوك بتاعتي وبس انا حسيت اني نفسي حد يسمع مشكلتي بس حتي اني مش مستنية حلول انا متجوزة بقالي 6سنين ومعايا بنتين صغيرين وجوزي كان منفصل وانا كنت اول مرة اتجوز اكتشفت انه نرجسي كان بيكرهني في نفسي بكل الطرق شوه صورتي قدام كل الناس بيكذب علي نفسه وعلي طوب الأرض للأسف ضربني كتير خاني اكتر من مرة قارني بطليقته كتير جدا وفي الأخر اكتشفت انه بيتجسس عليها من غير ماهي تعرف انا حاليا حاسة اني ف كابوس بدعي ربنا اخرج منه حاولت الطلاق اكتر من مرة كل مرة كانت بتنتهي بضربي وكدمات مش عايز يطلقني وكأنه مستخسرني اعيش حد يقولي لو جرب حاجة شبه كده انه عرف يعيش انا تعبت اوي وبقيت طول الوقت تعبانة حتي شغل البيت مش قادرة اعمله ليه مفيش ناس كويسة او راجل صالح عموما انافقدت الثقة في كل البشر ونفسي بس اعمل اي حاجة تخليني ارجع اضحك تاني
ارفعي اقضية واخلعيه وقضية عدم تعرض علشان يتسجن لو فكر يضربك
احكيلي
خدي تقرير طبي من المستشفى يثبت أنه ضربك و ارفعي عليه قضية
العيشه دي حقيقي صعبه بس لو عايزه الطلاق فعلا و هو بيعمل كده طيب ما يطلقك هو خسران ايه، الصراحه في الحاله دي انك تسيبي البيت احسن ليكي من انك تقعدي فالتعاسه دي بس المشكله باين عليه ممكن ياذيكي بس لو فاض بيكي هتعملي ايه لو هو لسه متعلق بطليقته يروحلها المشكله الوحيده البيت الي هيتخرب، اهم حاجه تكوني حذره بالتعامل معاه فاي قرار تاخذيه تكوني ضامنه حقك ( و لو لسه بتكتبي فالنوت بوك خلي بالك لحد يفتحها )
الانسان اللي بيحاول يعيب غيره بيبقا انسان ناقص مش نرجسي ناقص وبيحاول يعوض نقصه انه يقلل من غيره او يكرهه في نفسه لازم تتعاملي معاه بطريقته عشان يحرم يتعامل معاكي كدا ويقدر قيمتك اللي هو ميسواش ربعها انا رافع بوست قبل البوست بتاعك ابعتيلي افهم منك اكتر وعلي فكره انا اكيد اصغر منك يعني انتي اختي الكبيره 😂