أتمني إن حد يسمعني عشان أنا مش عايز غير كدا .. حالياً السنة السابعة ف عزلتي بعيد عن العالم ولسة مقدرتش أثق ف حد وأديله فرصة يلمس جروحي .. عشان محدش يقدر يجازف بحاجة زي دي ويحط ايده ف جهنم .. لما وصلت لمرحلة ان خلاص أنا مش قادر أتحرك من السرير اهلي ودوني لدكتور نفسي بس شخصتني غلط واستغلت تعبي وكنت بروح جلسات بتنفع معايا اوي والله بس بعد سبع شهور قطعت كل حاجة مرة واحدة ومكنتش قادر استحمل اعراض الانسحاب ولمؤخذا ف الكلمة كنت بنزل رياله من بوقي ومش قادر اقف علي رجلي وكل ما اقف اقع من طولي ورحت لدكتور وقدرت اعدي منها بفضل ربنا وبس بعد اسبوع بس كرهي لأهلي كان بيزيد لما خلوني اقعد من الجلسات ومقدرتش اسامح ومقدرتش انسي انا حياتي اتبهدلت بسببهم ازاي ومقدرتش اقوم ولحد من شوية كنت بكابر وبعند مع نفسي .. أنا عايز أقول إني استسلمت ومقدرتش اكمل الرحلة دي لوحدي وعايز مساعدة ومحتاج ناس جنبي واه ضعفت ومقدرتش اكمل حياتي بعد السنين دي من غير حد ف حياتي .. أنا فعلا محتاج مساعدة ولأول مرة ف حياتي بعترف اني محتاج للناس ف حياتي محتاج حد يمسك ايدي بس وميسبهاش .. كل المعاناة دي والعزلة دي كانت هتنتهي من حضن واحد من أمي كنت نفسي تكون حنينه عليا وتاخدني ف حضنها وانا والله كل جروحي كانت هتخف كأنها مكنتش موجودة