بتمني الرد ، أنا عمري ما حصل بيني خلاف وديما ذوق ، بس كنا بنسلم تكليف وفي بنت كانت بتزقني اكتر مرة واقولها اروح فين مش شايفه الزحمه بعدين قالت روحي بدل ما اديك بالقلم علي وشك ، انا معرفش اي حصل وقتها روحت ضرباها بالقلم .. مستوعبتش اللي حصل اصلا وبنات حاشوا واللي بعدتني عنها ووقعت وبعدين انا دخلت ف حالة هيستيريا عياط مش خوف ع قد ما كان خناقه دايرة جوايا ، ومستوعبة اني غلطت وخرجت وبعدين هي جات ومعاها صحابها وعايزة تضربني بعدين البنات قالوا اعتذرلها قولتلهم اعتذرلها وفعلا وافقت وقالت ماشي تعتذرلي قولتلها انا اسفه قدامهم كلهم وانهارت في العياط وكنت برتعش بعدين جابوها وحضنتني ان كدا اتصافينا وكدا وخلاص وفعلا تمام ، انا معرفش روحت ازاي حقيقي وفضلت حاسه بالذنب وخناقه دايرة ، بعدين تاني يوم قاعدة لقيت اللي جايه وراحت لطشاني بالقلم دا القلم اللي ادتهولي امبارح انا حرفيا اتخضيت ومعملتش اي ردة فعل وواحدة صحبتها بتقولها انتو مش اتصافينو امبارح راحت قايله انا متصافتش انا ، انا حرفيا معملتش اي ردة فعل اكني اتشنجت كدا ،، انا مصدومه حقيقي طيب اعتذاري كان اي ؟ حضننا لبعض كان ايه ؟ طيب انا محتاجة افهم حاجة انا حسيت بغلطي واعتذرت وعيطت وكنت مستسلمة حقيقي وضعيفه ، طيب اللي حصل دا حقها ؟ طيب انا عند ربنا ليا حق ولا ماليش ؟ حقي ازعل ولا مش من حقي ؟ حاسه اني وسط صحابي حاسه بشعور وحش وسيئ طيب شافوني وانا بعتذر وشافوني وانا بتضرب ومحدش عمل حاجة كنت لوحدي حرفيا اتقهرت والله ، طب انا اعتذرت ! طيب بجد ربنا شايف الامر ازاي ؟