أول مرة أتكلم في الموضوع ده بصراحة ويمكن ناس كتير تستغربه أو تفهمه غلط بس خلاص بقيت حاسس إني محتاج أقول اللي جوايا أنا عندي 24 سنة ومن زمان وأنا حاسس إن انجذابي الحقيقي مش للبنات اللي في سني قد ما هو للمرأة الناضجة. الست اللي حضورها هادي وكلامها فيه راحة وملامحها شايلة حياة كاملة مش مجرد شكل وخلاص. الموضوع عمره ما كان بالنسبة لي مجرد شكل أو رغبة سطحية. بالعكس أكتر حاجة بتشدني هي الإحساس اللي بيطلع منهم الدفا الاحتواء الإحساس بالأمان وكأن فيه ناس وجودهم نفسه يطمنك من غير ما يعملوا أي حاجة البنات الأصغر مني طبيعي يكون عندهم خفة وحماس واكتشاف للحياة، وده شيء جميل، بس أنا بطريقة ما عمري ما حسّيت إني قريب من الإحساس ده. بحس نفسي أميل أكتر للست اللي عاشت وشافت واتغيرت وبقى عندها هدوء ونضج حقيقي. حتى تفاصيل صغيرة جدًا ممكن تأثر فيا… طريقة الكلام، النظرة، الضحكة، حضورها وهي ماشية عادي وسط الناس من غير أي محاولة تلفت النظر. بحس إن الأنوثة وقتها بتكون أصدق وأعمق بكتير