انا ٣٤ سنة ، دخلت ف كذا موضوع ارتباط و مكملش لدرجة اني بسأل نفسي هو انا فيا ايه عيب بجد .. تايب البنات الاتركتڤ بالنسبالي رافضني تماماً .. وانا مش هاخد اي واحدة وخلاص مهما حصل حتي لو كبرت. - المهم قررت افكر بمنطقية ف اخر كام موضوع قررت اتابع السكونس اللي بيمشي بيه الموضوع .. و اشوف ايه اللي بيوقف الدنيا .. واهم حاجة سبب بوظان الموضوع ميكونش مني .. تعمدت اكون برفكت دورت اكتر المواضيع اللي بتقفل البنت منك و لو فيا مشكلة اعالجها أو اداريها مؤقتاً - اتكلم مع البنت الاقي امراض مايعلم بيها الا ربنا جوجل نفسه ميسمعش عنها 😅 اللي الاكس فشخلها مشاعرها و خلاها تمشي تكلم نفسها 🙆🏻♂️ واللي عندها مشاكل صعبة اوي مع اهلها 😅 .. هما بيرتاحوا أوي ف الكلام معايا ف دي نفسها خطوة وانا بقول موافق تمام و أهه نتعالج انا وهي عند ثرابيست واحد 😂 .. بس كالعادة بعد وقت بسيط بيتكلموا أن هما حابين اوي الكلام معايا بس مش حابين يكونوا ف علاقة معايا بس عايزنا أصحاب و عايزين يتكلموا عادي كل يوم .. وكالعادة كرامتي تمنعني اسأل حتي عن السبب (هما بيضحكوا و بيتبسطوا اوي واحنا بنتكلم و بيقولولي اني دمي خفيف جدا .. بس يمكن عشان معنديش عربية أو شقتي بعيدة شوية حقيقي معرفش ) عايز اعترف بحاجة .. انا سجلت مكالمات من اخر موضوع عشان حرفيا هتجنن عايز اعرف ايه اللي عملتوا غلط
اولًا طريقتك مهزوزه شويه لازم تكون واثق من نفسك اكتر من كده لو ده مش باين هنا بس عشان انون،ثانيًا من البدايه اختار حد يكون مناسب ليك ماديًا واجتماعيًا وقريب من الليڤيل بتاعك متحاولش تعلى عشان هتزعل،ثالثًا الجأ للصالونات متضيعش وقتك الشخص المناسب ليك وفي قبول من الطرفين حتى لو صالونات مش فارق عن اي طريقه تانيه وبيحفظ الوقت والمجهود
انا شايف إن مش مهم الموضوع أصلا مش مهم تتجوز أو تحب والهبل ده خلاص جربت مش نافع ليه وجع ال دماغ
لأنك بتختار غلط أصلاً انتو مش عاملين حدود فبالتالي مفيش ثقة العلاقة تكمل لأن هتكونوا شاكين انكم تخونوا بعض + إنك ترتبط أو تصاحب من غير حب ولا علاقة رسمية بتخليكم تقيموا بعض م غير م تحتاجوا تتخطبوا أصلاً بتكونوا مش مناسبين لبعض ومفيش حب بينكم أو من طرف واحد بس فالعلاقة بتنتهي بخسارة الصداقة والحب
يعني انا شايف الموضوع تافه انت 34 سنه والي إنت فيه ده جو مراهقه آوي
بالطريقه دي مش هتنجح أصلا 😂