الواحد مخنوق إن أهله مقتنعين إن اللي بيعمله دا بقا حق مكتسب لمجرد إنه رفع هامش التوقعات من الأول بمعنى إني حد ف ثانوي مثلًا كنت باخد درس واحد في كل مادة وعام مش برايفيت وبذاكر مع نفسي ومن اليوتيوب الحاجات اللي ببلاش دي ف الآخر جيبت صيدلة لاموني وزعلوا ازاي متجيبش مجموع ط ب في حين إني كنتي تاني أعلى حد ف بلدي والأول كان واخد برايفيت معظم السنة جينا ف الجامعة العيال بتاخد كورسات وبتشيل وبيدفعوا كتير جدا وأنا معدي بتقدير منغيؤ كورس ولا مصاريف في ورق واعتبروا دا كذلك حق مكتسب منغير تشجيع ولا حاجة وكله تقطيم ف الواحد ف هل كوني شخص بيحاول يبقا كويس على قد ما يقدر دا يديهم الحق ف إنهم يعاملوني وحش لمجرد إني رفعتلهم البار؟ مع العلم أخويا شخص مش كويس ومدمن ومبيعملش حاجة عدلة فحياته بيتكلموا معاه كويس وبيطبطبوا عليه وبيشجعوه ف أنا حقيقي مشفاهم كل اللي كان نفسي فيه كلمة تحسسني إني كويس أو Keep going بس حتى
يا ابني هي مش تفرفه بس حرفيا هما بيعاملوا اخوك كويس لان بمنتهي بساطه هو بيضيع و انت هما بيعامله كويس علشان عايزنه يبقي عادي مش متميز بمعني انت متميز و هو شايفين تستحق حاجه أعلي من كدا و الي انت فيها ده عالي مش قليل خالص بالمناسبه لاكن هما اسلوبهم في تشجيع معاك غلط و هما فاكرين أنهم صح هما فاكرين لما ده يحصل انت هتشد حيلك و هتثبت نفسك اكتر و متزعلش مني تقريبا موضوع جاب نتيجه معاك بدليل انك دخلت صيدليه إنما نقطه هو اصلا بيحاولو يرجعوا لنقطه الصفر علشان ميأذيش نفسه أو إنما انت بالنسبه ليهم العقال الي هيساعدهم
يسطا اعتبرني انا اخوك وبقولك عاش والله العظيم صيدله مش سهله وكون انك متحتاجش حاجه خارجيه وتعدي بتقدير دا حاجه جامده وفكرة انك جبت صيدليه دي مش قليله متقارنش نفسك بحد انت باين عليك كويس وعملت اللي عليك وربنا كرمك متستناش تشجيع من حد ، عارف انه صعب جدا وخاصة لما تيجي من الاهل (مجرب زيك) بس اعمل اللي عليك وخليك راضي قدام نفسك اهم حاجه و keep going
بجد انت حد كويس جدا وشاطر جدا انك تعمل كل ده خليك فخور بنفسك مش مهم كلام اي حد مهما كان اهم حاجه انك خليك متقدم ديما متخليش كلمهم يحبطك ولو على اخوك فا ربنا يهدي وهما اكيد هيندموا على كلمهم ده