الوحدة أكتر شئ بتحسس الإنسان بضعفه .. ومش شرط السبب يكون قلة ناس يمكن العكس والعكس دا بيحسس الانسان بالغربة أكتر.. هو انا الى مش عارفة أشرح ولا أنا بطلت خلاص أشرح لانى مهما حاولت محدش بيفهمنى !!.. هتقولهم ازاى انك فأكتر لحظات تشتتك وتخبطك وانك بتحاول تجيب حياتك فوقها تحتها عشان بس تحاول تحاول تحسس نفسك ان فيه تغير.. هتشرح ازاى ان انت امانيك كانت فالحياة بسيطة اوى وطبيعية بس كل حاجة اتمنيتها كانت موضع اختبارك والحمد لله اكيد ..بس مش سهل بجد وانت بتعدى كل يوم بصعوبة او بالتوهان جوا نفسك او بالهروب منها بأى مشتتات.. بتحاول بتحاول بتحاول كتير تتعايش وتعمل حاجات ظااهرها للى حواليك مفيدة وانا اهو بغير حياتى بس جواك دبلان.. شعورى زى طفلة صغيرة واقفة وسط أطفال كتير وحد كبير بيوزع عليهم حلويات وهى متحمسة اوى بس كلهم اخدوا ولما جة دورها الحلويات خلصت!!