انا تعبت من أمي و تعبت من شخصيتها على مدار السنين من اول طفولتي لحد دلوقتي وانا كبيرة و عندي ٢٤ سنة هي شخصية نرجسية و بتحب تعيش دور الضحية دايما ف كل حاجة ف حياتها بتقلل من الكل عشان تحس بإنجاز او انها تكسب النقاش او خناقة هي غلطانة فيها بتقعد تعيد و تزيد ف القديم ف مشاكل حصلت من وانا طفلة حرفيا بتعايرني بكل حاجة رغم انها حاجات عبيطة اي طفل بيمر بيها بس هي كانت بتكبرها اوي و تعايرني بيها وانا عصبية جدا بسببها و بسبب كلامها و دايما برد عليها ردود وحشة و صعبة و مببقاش مصدقة اني برد الردود دي بس المرة اللي جربت مردش فيها عشان الموضوع ميكبرش فضلت تتكلم و تهينني لحد ما اغمى عليا بسببها و يأست من الحياة و خدت شريط دوا كامل عشان اموت و ارتاح ما انا كدة كدة وحشة و ربنا مش هيرضى عني بسبب كلامي ليها بس هي اللي بتضطرني اقوله عشان ادافع عن نفسي لإنها مبتسكتش بتقعد تتكلم و تتهم ف اتهامات محدش يقدر يدافع عن نفسه قدامها ولا حد بيعرف ياخد معاها حق ولا باطل انا بقيت بكره اسمع صوتها و بكره اتكلم معاها و بقيت حاساها مجرد شخص غير ناضج و مش عارفة اشوفها أمي ابدا بسبب انها خلتني اتحمل مشاكلها النفسية و مشاكلها مع ابويا من وانا طفلة بتخليني أنا الدكتور النفسي بتاعها و دلوقتي حصل مشكلة تافهة انا مكنتش غلطانة فيها و هي فضلت تزعق و تصرخ و سيبت الاكل و مشيت ف مسكت ف اني ازاي ارمي المعلقة و امشي قعدت تقولي انتي بتكرهيني و انتي واحدى متربتيش و انتي اوسخ بني ادمة ف الدنيا و انتي اسوأ حاجة حصلتلي ف حياتي و المطلوب مني اسكت و استحمل عشان مبقاش غلطانة بجد اتخنقت منها و مش عارفة اعمل ايه اسيب البيت و امشي واخد سكن ولا اعمل ايه