الواحد ف دوامة بجد بين خوف و زعل و غضب و مكس مشاعر متضاربة بس للأسف سلبية كل الطرق تؤدي ل روما م الاخر بتحصل حاجات كتيرة للواحد اضطرابات عامة يعني لو مبتنزلش مبتختلطش ف برضو عندك مشاكل و زعل و حزن لكن هما فاكرين ان انت طول منت ف البيت ف انت تمام و فل و عشرة لكن ميعرفوش ان ضغوطات البيت ممكن تكون اضعاف ضغوط برا هو انت لو حصلك ايه برا بتقول هانت و اروح ارتاح بس للأسف اما تكون مشكلة اما تروح و مترتاحش فيه بقي كل يوم في مشاكل مع ماما هي بقت غريبة جدا بجد و كل م اكلمها تعيط و تشيلني الذنب و خلاص زي م امها بتعمل معاها و هي بتضايق من ده بس لا انا مليش حق اتضايق , مضغوطة الفترة دي جدا نفسيا و فعليا لأني ف امتحانات و يعني زعلانة لسه سايبين بعض ف كلو ف وقت واحد و هي ضاغطة عليا جدا بجد بتتعمد تعمل ده ف الامتحانات بجد و هو كمان كل امتحانات لازم يحصل حوارات و بجد بتبقي فترة ضغط فظيعة يعني الراحة اللي بريحها طول الترم بتطلع عليا ف شهر الامتحانات ده بكل قرف و اعتمادية فظيعة عليا و عدم تقدير اني ف امتحانات كأني بروح العب و اجي و تزعل فعلا اما قولها ورايا امتحانات اللي هو ازاي يعني سندريلا انا بجد تعبتني و مشيلاني كل ذنوب الدنيا و مقومة عليا البيت كلو بس انا فعلا بعد كل ده مش هبقي كويسة معاها ولا بقي عشان متغضبش عليا ولا الجنة تحت اقدام الامهات هي بتبتزني او بتستفزني و تستغل الكلام ده ضدي مع اني ساكتة بس اللي هو بقي عشان انا بنتها ف لازم اطيعها طاعة حتمية هي نرجسية انا عارفة و هي مبتشوفش ده انا مبتكلمش اه بس بدس السم ف العسل اللي هو ك هزار بس من كتر كلامها الوحش و السلبي الموجه ليا لو مطلعتوش هيجرالي حاجة عايزاني اراعي مشاعرها و اخاف عليها و اعاملها كويس و هي لا انا مش بخرج ولا بنزل ولا بروح ولا باجي لأن معنديش حد و مش بعرف انزل لواحدي مش بحب يعني و كمان ك فلوس يمكن بس انا نفسي استقل و اشتغل و ميبقاش بينهم علاقة بيا لأنهم حاسبين انهم شاريني معاملة ف منتهي القرف و التحكم و فاكرين انهم عاملين اللي عليهم و زيادة و انا المفروض اوافقهم علي ده انا مش بتمرد بس حقيقي تعبت منهم كلهم مشاكل اهلي موجودة دايما بس يمكن كنت متسكنة ب اني بحكيلو و افضفض معاه هو اه مكنش بيفيدني بس انا معرفتش احكي مع حد غيره و هو اوقات كان يفهمني و اوقات لا مفتقداه جزئيا لأنه كان اوقات كتير كان بيبقي جزء جميل ف يومي و كان شاغلني حتي لو اتخانقنا او اي حاجة بس كان مكاني المفضل اللي اروح افضي فيه كل حاجة و ع الاقل مشغولين ب حالنا سوا مش مشاكل اهل و خرا كلو جاي عليا ف وقت واحد انا لسه ف تالت امتحان خايفة اقع عايزة اعدي بس انا بحاول افك اسمع اغاني يعني بفضي دماغي بيها هي تتعمد تيجيلي ف وقت م اكون برتاح او بتبسط و تقولي انتي بقيتي شيطان عايزة تشيلني الذنب و خلاص منا عارفة اني مقصرة و مقصرة جدا كمان و بحاول الي حد ما انتي مالك بيني و بين ربنا تحكمات و خنقة و مش عارفة اخد راحتي ف البيت هي كل اللي كانت بتزعل و تضايق من امها فيه و تطلعو عليها هي بتطلعو عليا !!! هي مش مدركة ده بس انا تعبت من اني لازم امتص كل طاقتها السلبية دي و اسكت مش عارفة اعمل ايه بجد كل يوم خناق و زعيق انا مبقتش اعرف اكل ولا انام و جسمي كلو بيترعش م الخنقة و الزعل و التوتر تعبت