هو انا ليه حاسس اني مهما عملت مش راضي عن نفسي يعني الحمد لله شغال في شركة كبيرة وناس كتير تتمنى المكان ده بس انا كل يوم ببص للمرتب واقول هو انا هفضل كده لحد امتى وبعدين ارجع افتح اللاب بعد الشغل واذاكر واقول يمكن دي اللي هتغير حياتي وبعد ساعتين تلاتة احس اني خلاص مش قادر ومع ذلك اكمل عشان لو قفلت النهارده هحس بالذنب المشكلة اني مبقتش عارف انا بجري على ايه بالظبط فلوس ولا سفر ولا اني اثبت لنفسي اني اقدر ولا ايه كل ما اوصل لحاجة الاقي دماغي جابت هدف اكبر منها كأن مفيش نهاية واللي يضايق ان الناس فاكرة اني تمام وان اموري ماشية وانا حرفيا كل يوم بفكر هو انا ماشي صح ولا بضيع عمري في سكة هكتشف بعد كام سنة انها غلط وبعدين اقول لنفسي طب ما تكمل اهو الوقوف مش هيوديك في حتة وبرضه اكمل بس تعبت من كتر التفكير اكتر ما تعبت من الشغل نفسه