سلام عليكم بحس نفسي دايما شخص مقسوم نصين الشخص الاول طموحه عااالي جدا فوق ما تتخيلو وعنده اهداف ومحدش بيقول عنه كلمه وحشه ومقبول واجتماعي الحمدلله والشخص التاني كسول ومبتلي حرفيا من كل النواحي وربنا يعلم انا بمر ب ايه ومحبط وبنسبه كبيرة جدا عندي اكتئاب كمان ف انا مش عارف انا ايه اصلا وايه المعيار اللي احطه لنفسي عشان اطمن علي نفسي واني ماشي كويس لاني دايما بشك في نفسي واني متاخر جدا مش عارف ده تفسيره ايه ولا حله وهو اني الخطوة اللي باخدها في حياتي بعملها بصعوبه جدا جدا جدا زي اني قررت ابتدي عادة جديدة زي اني اذاكر انجليزي كمان وهكذا فالباقي زي كاني ربنا رافض امشي صح في حياتي اخر حاجة مزعلاني جدا جدا واكتر حاجة مسببالي احباط هي اني مش عارف انتظم في الصلاة بحاول من سنين انتظم ومش عارف مش بكمل اسبوع واقطع تاني يعتبر انا فضفضت بجزء قليل جدا من اللي جوايا كدا كدا مفيش حد في حياتي قريب مني اعرف احكيله دايما طول عمري كتووووم مستني النصيحه وجبر الخاطر وتدوني امل اني كويس لو فعلاً في دليل اني كويس
الدليل انك كويس ف انك عارف مشكلتك وقادر تحط ايدك عليها الدليل التاني احساسك بانك مقصر ف الصلاه وبتحاول تواظب لكن مش كويس مكنش بقي فارق معاك ولا عندك احساس بالذنب انت بس محتاج تزود إيمانك شويه عشان مفيش حاجه اسمها كأن ربنا مش عايزني امشي صح بالعكس تماما ربنا مش بيحب يشوفنا غير ماشيين صح اي حاجه تاني بتكون من الشيطان جدد إيمانك .. اطلب من ربنا يساعدك و يقويك اعمل حسابك مثلا انك حتي لو كسلت تصلي ميعديش اليوم غير وانت مصلي كل صلاتك حتي او جمعتهم مع بعض المهم اليوم ميعديش من غير صلاه كل حاجه صح و ناجحه بتعملها بصعوبه كمل فيها صدقني ده أفضل بكتيير من انك تقف مكانك ومتعملش حاجه اصلا وتكون انسان فاشل