دلوقتي انا تعبت من خناقي انا واخويا والعتاب الصامت ومحدش بيكلم التاني شهر ، انا بس بعامله بالمثل بقت كلمة بكلمة بالظبط ع امل ان الشخص يعرف ان بيقوله دا غلط لكن طول الوقت انا المدانة وانا الوحشه مع ان هو قلب مع نفسه وتجاهلني وانا ولا بصالح ولا اصلا بقيت قادرة ع المناهدة ووجع الدماغ ونسيت شكله اصلا ولا عايزة ابص ف وشه انا تعبت ! والاهل مالهمش دور ولا بيعملوا اي حاجة كلام ليا زي السم وخلاص مع ان المشكلة فيه هو بني آدم مريض ، ومع ذلك انا حزينة جدا بجد وتعبت واعصابي ونفسيتي تعبت .. اعمل في النقطه دي ؟ طيب اعمل ايه في فكرة إني لو حد في حياتي هتعامل بنفس الطريقه الشتيمة بالشتيمة والضرب بالضرب والاهانة بالاهانة .. والاحترام بالاحترام .. وانا اصلا عصبية بشكل مش طبيعي ديما كلامي بنبرة عالية لكن انا اصلا كل كلمة بنطلع مني ما هي الا دفاع عن نفسي في اتهامات وكلام بيتعب الودن والعقل والقلب .. ديما في حالة نقد مستمر مبقتش فاهمه يعني لما اتخطب واتجوز معليش صوتي مقلش ادبي ما هو لو الشخص محترم اي هيخليني اقل ادبي ، والعكس لو انت كويسه هو ليه يقل ادبه ؟ ليه بيزرعوا فيا الفكرة دي ان مينفعش جوزك يغلط وتردي ، انما انا اغلط يرد وحقه ، وانا فين حقي ؟ هو دا مش من حقي ولا ايه ؟؟ في علامات استفهام كتيرة والف سؤال ومالوش اجابة انا ماليش دعوة بزمان والناس زمان ولا ناس دلوقتي انا ليا بشيء واحد الدين كلموني بالدين محدش يكلمني بنبرة العادات والتقاليد والعرف... وكمان مستحيل الدين يكون سمح بحاجة زي كده ان الراجل يغلط ويشتم ويمد ايده والمرأة مطلوب منها تسكت وسمعا وطاعا داا مين اللي اخترع الموضوع دا ؟؟؟ ايه بيتزرع فيا دا بقيت حاسه اني مش سوية تماما ، مع العلم وانا صغيرة كنت ضعيفه جدا ولا عارفه ارد شتيمه ولا حتي اضرب حد ولا اعرف يعني ايه خصام ولا اي حاجة كل دا انا اتعلمته واكتسبته ، ولما كنت بعدي وافوت الشخص بيتمادي ولما مبقتش اعدي الشخص بردو بيتمادي زمان كنت بعيط كتير دلوقتي بكل بجاحه وعين واسعه حقي باخده في ساعتها ولا تنزل مني دمعه وباكل كبير وصغير بسناني وبسببهم ولكن انا ولا مبسوطه ولا زعلانه + انا مش عاجبني موضوع الصمت والانسحاب دا واني اكتم غيظي واحتسب عند ربنا والكلام اللي مش بيأكل عيش دا اللي بيخلي الناس تدوس ع الواحد دا لا عاش ولا كان اصلا ..