انا اتخنقت بجد يخربيت التخرج من ساعة متخرجت وماما مترجتة تجوزني باسرع وقت انا بتيجي عليا اوقات بريح في البيت مبطلعش خالص وساعات بقدم على شغل واتقبل اشتغل شوية في حضانة واسيبها وانزل تدريب في مدارس مثلا عشان اجهز اني ادي دروس وابقى مدرسة شاطرة المهم ماما مستلماني انتي الناس مبتشوفكيش انتي محدش عارفك يابنتي اطلعي خلي الناس تشوفك دا انتي بقيتي عروسة انتي وانتي وانتي ويالهوي لو حد عزمني على مناسبة ومروحتش لاي سبب بتفتح عليا الاسطوانة الي ملهاش آخر وربنا انا اتخنقت واصلا بتخنق من حوار المناسبات دا عشان مبطقش نظرات الستات المستفزة بالنسبالي اصل انا مش سلعة استفزاز وكل مرة استعيذ بالله من الشيطان عشان متخانقش مع ماما الموضوع نفسيا مرهق ومقرف كل شوية تقولي خسي عشان تتجوزي اخرجي عشان الناس تشوفك انتي جميلة انتي مش عارفة اي انا مبقولش كدا عشان ابين قد اي انا واو وفظيعة ومفيش مني اتنين بس انا فعليا اتخنقت وجبت آخري ولسا متخانقين على نفس القصة الا اروح مع اختي لشبكة صاحبتها ونا مش مجهزة حاجة اروح بيها ومعرفاني من قبلها بساعة دا اسمه اي بقا وفي الآخر اطلع كخة
الاهل اللي عندي مش شغالين ليه يا جماعه 😂😂 انا عايز اتجوز 😂😂
بجد مستغربه الكومنتات محدش حاسس قد ايه البنت نفسيا تعبانه وكله داخل يرمي افيه عالجواز ومحدش قال حاجه عدله فحقها مع احترامي لمامتك بس فكره انك تتجوزي ولا لا دا قرارك انتي مش قرار اهلك خالص....هما ليهم حق الموافقه والرفض عالعريس ولكن مش يغصبوكي على الجواز بالشكل دا لو حتى يطفشو عريس كمان لان لو عقدتي قرانك حتى يعتبر باطل لانه بالإكراه....وانتي اقعدي مع مامتك فهميها بكل ادب وهدوء أن الموضوع مش فبالك خالص وعايزه اركز على حياتي الاول ولما اكون جاهزه ابقا افاتحك فالموضوع دا..واستأذني منها متعرضش حد عليكي للجواز خالص الفتره دي..منها لااعترضتي على كلامها ولا اتكلمتي بقله زوق ولا ضايقتيها ولا عقوق والدين ولا حاجه...ومنها كمان انتي تاخدي مساحه ليكي تعيشي براحتك...ولو قالتلك كلام سم ممكن تطنشي الكلام دا خالص وتشغلي نفسك عادي جدا عشان مينفعش اكيد نرد الكلمه بكلمه وتقلب مشكله كبيره😅 بالنسبه للستات دول اللي حاطين عينهم عليكي انت فعلا مش سلعه انتي بني ادمه ليها حياه وكلمه عليهم كلهم ومحدش يملي عليه كلامه اصلا...اتمنى يعني اكون أفدتك ولو شويه وان شاء الله يعني نفسيتك تتحسن اكتر
متستعجليش اختارى صح اختيارك ده مكمل معاكى باقي العمر
يا بختك والدتك عاوزه تجوزك وانا يقولولى اصبر شويه 😂
طب ما حلو ده حد لاقي
هو انتي بجد مفيش حد قريب منك
حولو تختارو الشخص الصح ياجماعه متستعجلوش علشان لقدر الله لو اخترتو غلط هتعانو بجد وربنا يصلح حالكو جميعا ويرزقكم بناس نستاهلكو بجد
نفس الشي لسه مخلص تربية بس وريا جيش ويلا اشتغل ويلا انزل سنتر وحوار قرف وانا اصلا شغل مونتير بس صعب يفهمو ده
عايز اقولك ابويا كده وانا ولد 😅😅😅😅
انا امي بدور ليا علي عروسه من قبل متخرج بكتير شكلو موضوع عادي 😂😂😀
انا امي بدا الحوار معايا بدري شويه امال لما اتخرج هتعمل اي 😂😂🤦♀️
ربنا يرزقك بابن الحلال