تسمحولي اشكيلكم وجعي بجد بس عايزاكوا تعرفوا اني هشكيه و انا بعيط عشان احس اني بتكلم معاكوا بجد انا عندي تراكمات من كذا نوع و انا حد مش هقول كلمة حساس لاني مش بحبها بس انا شخص ممكن اعيط من نظرة انت مش قاصدها حتى و دي حاجه بتخنقني جدا و مشكلتي اني نادرا لما بطلع بالي واجعني بجد من نحيت حد و لو طلعته بيكون بعد عياط ايام كتير اوي قبل ما انام و سيناريوهات كتير جدا ملهاش علاقة بالواقع اصلا و كمان انا شخص بحب نفسي جدا بس كتير احيانا بكره نفسي اوي كتير بشوف اني شخص طيب بزيادة و مش قادرة اكون خادعة لحد او اجرح حد لاني اتجرحت كتير اوي من ناس مريضة و قريبة مني انا بقى عندي اوڤر ثينكينج و انا مكنتش كده كنت شخص مش بيفكر لقدام نهائي دلوقتي انا بقيت بفكر لبعد قدام كمان انا مخنوقة اوي الفترة دي و كل ما احس اني فكيت شوية تجيي كلمة او تصرف ممكن الي قدامي مش قاصدة يوقعني و يعيطني و دي اكتر حاجه انا بكرها في نفسي اني بعيط بسرعة كتير بحس بالكتمة لاني نفسي اكون في اوضة لوحدي افضل اعيط فيها و اجيب اخري اوي اطلع كل الي مضايقني بالعياط عشان ارتاح زي زمان لما كنت طفلة انا متدمرة من جوا و مش بسبب حد بل بسبب نفسي و انا حياتي مفيهاش مشاكل عصيبة زي بقيت الناس الحمد لله بس جايز يكون اختباري و صراعي فالدنيا يكون مع نفسي انا بدمر نفسي من جوا عشان انا مش فهمه فيه ايه و ايه المطلوب مش قادرة اكون انسان بارد و عادي عايش يومه بالثانية مش بيفكر لبعد كده انا عايزة دلوقتي حضن دافي اوي و كبير اوي نفسي الاقي الشخص الي اكلمه فالجزء الي عمري ما كلمت حد فيه انا بعاني من جوا و بقيت بختار قرارات و برجع اندم عليها و يمكن من كلمة الوم نفسي طول العمر انا بكره نفسي كتير بفكر و بقول يمكن الدوشة دي كلها تطلع لما الاقي شريك حياتي معرفش ليه بفكر كده بس يمكن عشان هو الشخص الي لسه في جزء من مشاعري محفوظ ليه او انا لسه مستخدمتش جزء من نفسي فلما استخدمه ارتاح والله تعبت والله تعبت