منذ 5 ساعاتيشعر بـ ضائع
عامة انا خلصت مذاكرة الكيمياء ( خلصت الاساسي مفروض احل كتاب كمان) بس فعليا فاصلة طيب انا اي اللي مصحيني؟ في الحقيقة انا صاحية لهدفين الاول اني اصلي الفجر حاضر لان بقالي عشر ايام مواعيد نومي بايظة و جدولي كله معتمد علي اني هصحي وانام في وقت معين المهم ياجدعان الهدف التاني اني ازود ساعات مذاكرتي لان الدنيا باظت عندي من اول رمضان بقيت بذاكر في النهار 5/6 ساعات بس من وقتها بعد ما كنت بذاكر 8 ساعات والامتحانات قربت ولازم اشد( انا ثانويةةة عامة) المهم ناوية اصلي وانام 5 ساعات واصحي اشرب قهوة واكمل اليوم بدون نوم ( لو عليا مش عاوزه أنام بس مطبقة من امبارح ) المهم للمرة المليون اللي عنده طريقة اصحي بيها يفدني عشان بقيت خم نوم
احنا بنذاكر عشان نجيب مجموع ونطلع م البلد منرجعلهاش تاني.. بس موضوع المذاكره انتي بدأتي دايسه ع نفسك جامد كان المفروض تذاكري بالتدريج... ساعتين بعدين اربعه بعدين 8.... كمان الفكره مس ف العدد ولا المجهود... الفكره تركيزك قد ايه وانتي بتعملي المجهود دا... ربنا يوفقك❤
بالتوفيق
هم يضحك وهم يبكي انا بعد ما كنت بذاكر فوق ال 8 ساعات من اول السنة لحد شهر 12 حاليا مش قادر اذاكر حتى نص ساعة في اليوم 😞😞
ذاكري عشان لو منجحتيش حتفضلي في مصر اطبعي الكلمة واقعد فكري فيها مع نفسك كدة حتلاقي نفسك بتزاكري حتي لو بتنامي عيل نفسك
ملحوظة انا صعب انام وصعب اصحي بقيت بنام علي الارض ياخواتي واسيب دفا السرير عشان أعرف اقوم لما المنبه يرن يعني عبوديه ما بعدها عبوديه أبو دي سنة 😭😭😭😭😭😭😭😭😭😭