يمكن الفتره دي من أصعب فترات حياتي بجد ، الحزن باين علي وشي ودايما سرحانه ومش عارفه اخد قرارات ف حياتي ب نفسي و بهرب من كل حاجه ، مع أن شخصيتي غير كدة بس كأني حالي اتشقلب مره واحده وصحيت لاقتني تعبانه ومش كويسه بصراحه انا متقدملي حد كويس جدا بجد كل اللي ظهرلي منو لحد دلوقت حاجات كتيره كويسه اي بنت فالدنيا هتتمناها من حب وحنيّه واهتمام ، بس انا شخصيتي ممكن تكون صعبه من حيث أن بركز دايما علي حاجات كتيره ف شخصيه اللي قدامي دي الحاجات اللي لاحظتها منو فالوقت ده مشوفتش حاجه وحشه منو بس الفكره أن في حاجات تانيه قافلاني أو مخلياني مش مبسوطه انا بحب الشخص الراسي الناضج يكون هادي وعارف يتصرف لما قربت منو حسيت ان في حاجات تانيه زي انه دايما متوتر وقلقان وبيتحرك كتير و ده بيبان عليه جامد ف تصرفاته ، مثلا نظام لبسو انا بفكر مثلا ف استايلات تانيه ممكن افتّح عينو عليها أن شايفه حاجات تانيه هتناسبه ، انا مش سطحيه بس انا عايزه اكون مرتاحه مع الشخص اللي معايا معنديش مشكله مع اي حاجه هو قدمها وبيعملها بالعكس أنا مبسوطه اوي بس برضو ف نفس الوقت حاجات تانيه قفلاني ، انا زي المتحيره مش قادره افكر ف حاجه واخاف اقوله اي حاجه من الحاجات دي اللي مش عجباني يضايق أو يزعل مني فالبدايه قولت ان مخنوقه و حزينه انا معرفش ليه كل ده بس يمكن مش قادره افكر صح او اسمع من حد ينصحني اعمل اي ويوجهني يمكن اكون غلطانه وارد ، بس ياريت تنصحوني نصيحه اخت ل اختها أو أخ ، انا مش عايزه اخسر الشخص ده لان ميستاهلش كدا بس انا مش عارفه اتقبل الحاجات التانيه دي ولا اكلم معاه أن يغيرها