منذ يوميشعر بـ مكسور القلب
أنا شخص كنت ف قصه هنقول أنها كانت حب من طرف واحد والطرف دا انا لكنها مظبطتش وانا لسه حاليا بحاول اتعافي أنها خلاص معدتش ليا لأنها اختارت تتخطب مع اني عرفتها اني عايز اخطبها ومدتنيش رد ولا حتي سبب رفض وأنها اهم سبب ليها أنها تبقي جمب مامتها لما تتجوز خصوصا أنا من محافظه وهيا من محافظه تانيه أنا سؤالي ان بيني وبينها شغل لسه مستمر لحد دلوقتي هل الصح ليا اني أوقفه مع أنه مصدر دخل ليا هفقده وهيأثر عليا اكتر ولا اكمل واستحمل بس بحس بوجع رهيب لما تتأخر عليا ف الرد حتي لو كان كلام شغل
هتخسر كرامتك قدام نفسك مش قدام حد لأن انت بحالتك دي معندكش القوه كفايا انك تخرجها من كل حياتك وتبطل تفكر فيها في غير الشغل أو تبطل تفكر فيها اصلا
تخسر فلوس ولا تخسر كرامتك
انت مينفعش تستمر في علاقه بستنفزف طاقتك وروحك وجع بوجع ابعد هتتعب شويه بس هترتاح بعدين لاكن لو استمريت هيفضل الوجع مكمل معاك
شكرا ياجماعه بجد
انت لازم تنهي العلاقة دي من جواك خالص ، اشغل نفسك بحاجة تاني غيرها و غير الشغل زي مثلا انزل الجيم او اتعرف علي ناس جديدة و اخرج و اتفسح عشان تخف الضغط علي نفسك شوية كمان حاول تفصل بين علاقتكم و الشغل ، متتحسسش اوي من الوضع اللي حطيت نفسك فيه ، بس هتاخد وقت لحد ما تتعافى تماما منها ، بس انت ساعد نفسك علي ده
بص يصديقي اعمل الصح اعمل الصححح فاكر بي دماغك و فكك من قلبك دلوقتي 🙂 الي كنت بحبها بس دا كان حب طرف سابع هيا متعرفنيش اصلا لما سألت عليها طلعت بتكلم صحبي بس كصحاب بس فا بلاش تحب حاليا لحد ما تبقا جاهز و تشوف حياتك بعد كدا عموما 🙂 فا اعمل الصححح
صدقني حط حد فرق بين شغل وغيره افتكر أنها مخطوبة والرسائل يعني تجاهلها مره مع مره هتحس أن العلاقة شغل وبس تمادت هي يبقي تسيبها علشان ميتقالش عليك انك بتلفت انتباهها وافتكر حاجه كمان أن لو كان خيرا لبقي