ربنا رحيم اوي والله وهو احن عليكي من كل البشر ف اصبري واتعلقي باملك ف ربنا وان شاء الله هتعدي منها بس مش هتعرفب تعملي كده لوحدك ف الأفضل تطلبي المساعدة من دكتور متخصص وده هيفرق معاكي وكون انك خايفة من ربنا ومش بتسمعي للشيطان ده معناه انك حد جميل جدا ولسه ابيض ومهما بلغت ذنوبك اتأكدي ان ربنا اكبر وارحم من كل ده والانتحار مش حل بالعكس بتختاري عذاب الدنيا والاخره وكده كده كلنا مصيرنا واحد ف خليكي تحت عفو ربنا ورحمته وهتعدي والله

مهو انك تقولي ربنا زعلان مني كده يعني ضميرك شغال و ده كويس الفكرة بس ان نفسك متحكمة فيكي صلي وقربي من ربنا وقولي : اللهم أعني على ذكرك و شكرك و حسن عبادتك. اللهم طهر قلبي و حصن فرجي و اغفر ذنبي اللهم إنك عفو تحب العفو فاعف عنا

لا ما ينفعش كده ربنا رحيم وانا مقدر المشاعر صراحه انا كمان ساعات بحس بالتقصير بس لازم تحاولي تنتشلي لنفسك من الفقاعه دي حاولي تعملي رياضه قربي لربنا اكتر وايه المعصيه اللي انت بتعمليها ابحثي عنها وازاي تبطليها اما الانتحار فهو حرام لان انت كده هتخسري الدنيا والاخره وافتكري ده كويس مهما بلغت صعوبه الدنيا لازم نتحامل على نفسنا ونصبر فربنا هيجازيكي على الصبر ده كتير قوي توبي الى الله وهيبدل لك سيئاتك حسنات ربنا بيحب الاوابين وباذن الله تكوني منهم

فيه فرق بين حاجتين -حياتى مفهاش حاجة صح -انا مش شايفة كويس علشان كدة مخنوقة وحاسه كل حاجة غلط فغلط

طب تفتكري ده الحل؟ عمره ما هيكون الحل كلنا بيجي علينا لحظات وبنضعف بس المفروض لما نضعف نرجع تاني ونبقى اقوي انا عارف أنتي حاسة بإيه ما انا كمان جالي نفس الأفكار وكنت بقول الدنيا كده كده بايظة بس كنت برجع واقول لنفسي مينفعش تكون دي النهاية اكون خسرت دنيا وآخرة قربي من ربنا ربنا يهدينا ويهديكي يارب