كان دعاء الرسول : اللهم لا تكلني إلي نفسي طرفة عين ، يعني حتى رمشة العين متخليش ليا اراده فيها . حياتي كلها ربنا اللي بيدبرها و يديرها ما عليا الا السعي ليه أرهق نفسي بالتفاصيل اللي مليش يد فيها و كمان لما يحصل عكس ترتيباتي او اقل من توقعاتي اقعد اندب ، ما ده مصيرك و تدبير ربنا ليك اللي هو اكيد خير ، رب الخير لا يأتي إلا بالخير لازم اكون مطمن 🤍 ، واحد صاحبي شببها بحاجه حلوه اوي بيقول لو سواق ميكروباص مسافر بيكوا بتنام و انا مطمن انك هتصحى و عارف انك هتوصل للمكان الصح اللي كنت عايزه ، ما بالك بقى لما ربنا هو اللي بيدبر حياتك و كمان الاجمل ان هيوصلك للانسب و الأصح ليك مش اللي انت عايزه و عسى أن تحبوا شيئاً و هو شراً لكم

مفيش حل للاسف أو علاج بنسبة مئة في المئة بس فيه حجات هتعمليها هتقلل التفكير شوية و مع الوقت النسبة هتبقي احسن ب اذن الله ..هتبدأي تحفظي قران وتعملي خطة مثلا للحفظ في خلال وقت معين تكون مخلصة سورة البقرة مثلا او غيره و تشوفي واحدة متخصصة تتابع معاكي .. هتبدأي تسمعي بودكاست دايما عن تدبر القران ل فاضل سليمان السيرة النبوية ل علاء حامد و عن أمهات المؤمنين و عن أي موضوع دنيوي انتي بتحبيه ..طول ماانتي قاعدة بتطبخي .راكبة مواصلات راكبة العربية .. هتحاولي تصومي اتنين و خميس ..لأن انتي محتاجة حاجة تفرحك ..و الصائم لما يفطر فيه احساس فرحة بتحسيه وانتي مش واخدة بالك ..و هتقعدي تدعي ربنا دايما يريح قلبك في الأوقات الي فيها الدعاء مستجاب زي ساعت المغرب لما تفطري .في ركعتين صلاة الفجر ..مابين الأذان والإقامة ... هتحاولي تعملي صدقة كتير علي اد ما تقدري ..هتعملي وجبات و توزعيها علي الناس الغلابة ..هتشتري دراي فود و يبقي معاكي في شنطتك علي طول تقعدي توزعي علي الكلاب طول ماانتي ماشية .. هتمشي في اليوم نص ساعة وانتي مشغلة الهاند فري في بتسمعي بودكاست من اللي قولتلك عليهم أو بتسمعي الورد القراني بتاعك

بص انا مش عارف انت اى المشاكل اللى معاك بس حط فى دماغك انها أكيد فترة وهتعدى مراحله من حياتك وان الحياة مش هتفضل كده حاول تخفف على نفسك واعمل اى حاجه بتحبه ومتنساش ان ربنا موجود وقادر يغير حياتك فى لحظه ✨

الي فات خلاص خلص انسيه ده حصل غسب عنك ربنا الي كاتبه و الي جي ارميه على ربنا و توكلي

حلك يا ست الكل في ركعتين.... بس قبل ما تبدئي الصلاة يكون عندك عزم إنك مش هتسرحي لحظه واحده في الصلاه... و انك هتركزي في كل حرف بتقوليه.... و طبعا مفيش أي مانع من إنك تشتكي للي خلقك و إنت ساجده.... هو الوحيد الي يقدر ينفعك...... الدنيا أصغر من اننا نعيشها مخنوقين....

الحل تقومي تتوضي وتصلي ركعتين وتقري فالمصحف وتدعي ربنا اي حل تاني هيكون حل دنيوي غير دائم ربنا بيقول واذا سالك عبادي عني فاني قريب اجيب دعوه الداع اذا دعان ربنا قريب بس للي عايز يقرب منه وتفكيرك الكتير مش بيتعب حد غيرك ف حاولي على قد ما تقدري تشغلي نفسك وتوفي ربنا حقك لان ربنا جميل والله ومش بيسيب حد لوحده بس الفكره انك انت تاخد الخطوه وربنا يهديكي ليه ويهدينا جميعا يارب ❤️