ممكن تنصحوني؟ أنا خرجت من تجربة خطوبة كانت مؤذية جدًا لدرجة إنها أثرت على نفسيتي وخلّتني أحس إني مش بنت ولا بحس. كل ده لأني كنت بخاف من الحرام، وكنت بحاول الي حد ما ما عملش غلط. كنت مستنية إن هو يبدأ الرومانسية، وأنا أرد عليه، لكن هو كان عايز العكس… كان عايزني أنا اللي أبدأ. ويقولي انتي مش انثي اتعلمي تدلعي اتعلمي ازاي تجذبيني مش كأنك واحد صاحبي مقاليش كلمه بحبك صريحه لحد ما انا يحس ان انا اللي فعلا استاهل كلمه دي رغم كتير بيعوز يقولها ويستني وكل كلامه الحلو مستنيني انا اللي اخليه يقوله شايف ان الست هي رقم واحد ف التصرفات وكنتيجه الراجل يقدملها كل حاجه وكنت بحاول اتدلع يقولي ده دلع بنات مايع عايز انثي معايا في الآخر انفصلنا. بعدها، حاولت أخرج من الإحساس ده، لكني عملت تصرفات غلط وأنا مش مقتنعة بيها. حاولت أرجع لنفسي، بس مش عارفة. زعلانه إني عملت اللي عملته بعد الانفصال، وزعلانه إني ما بقيتش زي الأول. وأنا كمان زعلانة من نفسي، ومش قادرة أسامحها. رغم إني عارفة إنه كان غصب عني، بس أنا كنت عايزة أفضل محترمة وأحترم نفسي. بس عشان أكون واضحة: الغلط اللي حصل معاه قبل كده، مش هو الغلط الكبير حصلت تجاوزات بس تحت ضغط وتأنيب ضمير و دور الضحيه اللي مستحمل ومحدش يستحمل ده وتحت الاختبارات ها هعرف ادلعه بعد كده ولا لا وانه خايف من كده . لدرجه اني عيطت وهو بيتجاوز كنت ف حاله ضغط نفسي رهيب والتجاوز اللي حصل بعد الانفصال للعلم سمحت لحد يتكلم معايا ف كلام مش كويس شات او كول وحاسه اني بقيت شايفاني مش زي زمان وان خلاص انا مش كويسه هو دمر كل مبادئي خلاني اشوف كسوفي عته وعبط واشوف التزامي وجهلي بحاجات عيب قله خبره وجهل خبرتي قليله وكنت فاكره هتعلم مع جوزي عادي