لا مبنتخطاش ..بنتعلم لو كان حد بيعرف يتخطى فعلا كانت الحياة هتبقى مختلفة كتير.. انا مثلا قلبي كان رقيق جدا كنت بعتقد ان مدام حب الناس فهما هيحبونى وكمان محدش مضطر انه يكدب او يإذيك خصوصا لو ضحك ف وشك وحلف بالله.. انا بقيت بعرف احافظ ع قلبي كويس اوى بس ازاى بقى؟ بقيت ببعد عن كل الناس مش بكلم حد الا لما هو يكلمنى مهما كان درجة غلاوة الشخص عندى مش ببدأ كلام ودا بيتشاف انه عدم اهتمام او قلة زوق بس الحقيقة انه وجع مخفى وخوف.. كل لحظة انا عندى اعتقاد ان مشاعر الناس ممكن تتغير فجاة فانا مش عايزة ابعت فاللحظة الى الطرف التانى ممكن يكون مش عايز يتعامل معايا خلاص ..ممكن تقولولى ايه السبب لان يحصل دا هقول معرفش بس فعلا في ناس مشاعرها بتتغير فجاة.. فانا مبتعشمش مبحبش مبزعلش ومبتوجعش من حد عشان انا دايما محافظة ع مسافتى .. اه كان نفسي اتعامل بطبية قلبي وابين اهتمام والكلام يبقى رايح جى بس انا اكتر حاجة ممكن تموتنى انى احس ان انا تقيلة ع حد خصوصا لو كنت فعلا بدأت اتعود عليه مش هحب احس دا وانا شاكة ان ممكن الطرف التانى يبعد فجاة او يزهق